Ne daten 18 Shtator 2003 u zhvillua ne Bruksel, Raundi i Katert Teknik i negociatave per Marreveshjen e Stabilizim Asociimit me Bashkimin Europian. Grupi negociator shqiptar kryesohej nga ZevendesKr

Ne daten 18 Shtator 2003 u zhvillua ne Bruksel, Raundi i Katert Teknik i negociatave per Marreveshjen e Stabilizim Asociimit me Bashkimin Europian. Grupi negociator shqiptar kryesohej nga ZevendesKryeministrja dhe Ministrja e Shtetit per Integrimin Europian Znj.Ermelinda Meksi.

Gjate ketij raundi u negociuan pjeset qe kishin te benin me Marreveshjen e Ripranimit, Kapitullin e projekt Marreveshjes mbi rregullat e pergjithshme te levizjes se mallrave, Protokolli mbi percaktimin e konceptit te produkteve te origjines dhe Protokolli mbi Asistences Administrative Reciproke ne Ceshtjet Doganore. Ne kete raund u diskutuan gjithashtu edhe ceshtje te mbetura pezull nga raundet e meparshme.

Ne te gjitha ceshtjet e diskutuara u arrit qe te bihet dakort me palen komunitare duke konkluduar sipas qendrimit negociues te pales shqiptare qendrim ky i miratuar ne Mbledhjen e Komitetit Nderministror te Integrimit te dates 16 Shtator 2003.

Me negocimin e Marreveshjes se Ripranimit u arrit qe me palen komunitare te adoptohet i njejti regjim qe Shqiperia ka ne Marreveshjet e tjera te Ripranimit te nenshkruara me vendet anetare te Bashkimit Europian duke kerkuar nje periudhe tranzitore zbatimi per ato te pjese te Marreveshjes qe do te sillnin nje kosto ende te paperballueshme per shtetin shqiptar.

Ne pjesen e rregullave te pergjithshme te levizjes se lire te mallrave u ra dakort mbi parimet ne te cilat duhet te mbeshteten marrdheniet e ardhshme tregtare me Bashkimin Europian. Ne kete pike pala shqiptare qendroi ne te njejtat pozicione negociuese sic edhe ato te adoptuara ne proceset e tjera liberalizuese te Shqiperise si ne kuader te Organizates Boterore te Tregtise ashtu edhe ne Marreveshjet e Tregtise se Lire me vendet e rajonit.

Ne kete raund pala shqiptare paraqiti edhe listen e produkteve industriale sensitive te cilat nuk do i nenshtrohen liberalizimit te menjehershem te tarifave, liste kjo e konsultuar me komunitetin e biznesit.

Gjate vizites ne Bruksel Znj.Ermelinda Meksi ka zhvilluar edhe nje sere takimesh me zyrtare te larte te Komisionit Europian. Ne keto takime eshte analizuar ecuria e deritanishme te negociatave si dhe eshte diskutuar mbi vizionin per periudhen e ardhshme te marredhenieve me Bashkimin Europian. Znj. Meksi ka nenvizuar synimin per te luajtur nje rol me proaktiv ne raport me procesin e negociatave duke permiresuar ne rradhe te pare pergatitjet e pales shqiptare. Nga pala komunitare eshte theksuar domosdoshmeria e rritjes se kapaciteteve implementuese krahas negocimit te pjeseve te Marreveshjes se Stabilizim Asocimit.