Në minierën kineze të arit 16 të vdekur

Pekin, 7 gusht – Ekipet kineze të shpëtimit kanë nxjerrë sot 7 punëtorët e fundit të bllokuar në një minierë, pasi që një zjarr i nëndheshëm shkaktoi vdekjen e 16 minatorëve.

Zjarri që shpërtheu të premten pasdite, bllokoi fillimisht 50 minatorë në minierën e arit Lingan në qytetin Zhaoyuan në lindje të provincës Shandong, transmeton agjencia shtetërore e lajmeve Xinhua.

Kina ka minierat më vdekjeprurëse në botë me mbi 2 600 të vdekur të aksidentet në vitin e kaluar.

Megjithatë, këtë vit, është shënuar rritje e vdekjeve, që autoritetet kineze ia atribuojnë forcimit të ekonomisë pas krizës globale.