Në pritje të ofertave

Përfunduan punimet e konferencës triditore të ofertuesve për Partneritetin Publiko-Privat për Aeroportin Ndërkombëtar të Prishtinës (ANP).

Për tri ditë, sa ka zgjatur kjo konferencë, ofertuesit patën rast të njihen me lokacionin e identifikuar nga ana e Qeverisë për ndërtimin e terminalit të ri, i cili do të jetë modern, tri herë më i madh se terminali ekzistues dhe do të ofrojë shërbime të kualitetit të rangut botëror.

Përfaqësuesit e 3 konzorciumeve ndërkombëtare, Fraport IC ICTAS Havalimani Isletme A.S, Bouyges Batiment / Egis/ PAIC Consortium dhe Limak / Aeroport de Lyon Consortium, kanë vlerësuar se ka mungesë të theksuar të kapaciteteve në terminalin ekzistues, sidomos tek arritjet; mënyra se si janë të shpërndara ndërtesat ekzistuese; meny shumë e limituar e shërbimeve për pasagjerët dhe pika të tjera të cilat do të jenë pjesë e ofertës së tyre.

Ofertuesit kanë vlerësuar se kjo konferencë do t’iu ndihmojë në përpilim e ofertës dhe planifikimin rreth rivitalizimit të operimeve në premisat ekzistuese, me qëllim që të ofrojnë shërbime sa më kualitative, deri në përfundim të terminalit të ri.