"Nene Tereza" krize per ilace, magazinat me stoqe

Qendra Spitalore Universitare vuan mungesen e te gjitha barnave dhe "aksesoreve" qe sherbejne per trajtimin e te semureve. Ne spitalet e vendit ekzistojne medikamente stok qe kapin vleren e 26 milione eurove. Kete fakt e ka deklaruar vete ministrja e Shendetesise, Anila Godo, pak dite me pare ne Komisionin Parlamentar te Shendetesise. Shkak eshte bere blerja nga Ministria e Shendetesise e barnave qe dispononin depot farmaceutike dhe jo blerja e barnave per te cilat spitalet kishin nevoje. Ndersa qendra me e madhe spitalore ne vend, ankohet per materiale deri tek garzat apo dorezat, spitalet e tjera te vendit jane te tejmbushura me medikamente qe nuk u hyjne ne pune. Kjo anomali mesohet te kete ardhur per faktin se Ministria e Shendetesise ka blere ato barna te cilat ka gjendje, ose i kane mbetur stok firmes se preferuar, qe ka fituar dhe tenderin. Nje gje e tille perben shkelje te rende, pasi nuk jane blere ato medikamente per te cilat spitalet kane pasur nevoje, por jane "pastruar" magazinat e depove farmaceutike ne menyre qe ato te mos krijonin humbje. Megjithate, kohet e fundit Ministria e Shendetesise ka nxjerre nje udhezim sipas te cilit barnat e stokut do te qarkullojne duke u rishperndare ne spitale sipas nevojave qe kane, duke u ardhur ne ndihme njeri-tjetrit. Mesohet se per te njejtin problem ne listen e gati 180 medikamenteve qe i duheshin spitalit dhe pritej te zhvillohej tenderi, ishin hequr 61 barna shume te domosdoshme per spitalin duke u zevendesuar me te tjera. Pas kesaj nisen mosmarreveshjet disa mujore me Ministrine e Shendetesise dhe sot qendra spitalore nuk ka as medikamente as solucione per analiza dhe as mjete spitalore. Prej disa muajsh Qendra Spitalore Universitare "Nene Tereza" po vuan nje krize te madhe te mungeses se medikamenteve dhe te gjitha mjeteve te tjera qe duhen per nderhyrjen kirurgjikale tek pacientet.

F.F