Neonazistët grekë: Të çlirojmë Vorio- Epirin

Mbarë Europa po mban frymën duke parë se si neonazistët grekë po marshojnë drejt parlamentit. Pamjet e truprojave që detyrojnë gazetarët të ngrihen në këmbë për të respektuar kreun e partisë Agimi i Artë, Nikolaos Michalollakos, kanë shokuar shumëkënd. Por sikur të mos mjaftonte kjo, kreu i partisë neonaziste ka thënë se ata do të përpiqen për të çliruar Vorio- Epirin. Tani ju doni që ne të ndryshojmë dhe të bëhemi fëmijë të mbarë, por ne jetojmë në kohën e tiranisë dhe diktaturës. Ne nuk do të ndryshojmë, nuk do të bëhemi tradhtarë, tha ai.