Nepunesit, shperblim mbi pagen

Qeveria miratoi diten e djeshme edhe shperblimet mujore mbi pagen qe do t'ju jape punonjesve te administrates, ne rast se ata mbajne nje grade ose titull shkencor. Po keshtu eshte menduar qe shperblim t'ju percaktohet edhe nepunesve, te cilet kane kryer studime te thelluara pas universitare dhe Master te nivelit te dyte. Kryeministri Berisha ne mbledhjen e qeverise theksoi se ky draft mundeson rritjen e vleresimit dhe bonuseve per punonjesve te kualifikuar ne universitetet nderkombetare, me 20 mije leke, ose 220 dollare. "Eshte rasti t'ju bej thirrje te hapeni ndaj mendjeve me te mira. Une, por edhe ju, cdo dite marrim letra dhe mesazhe nga studente, qe kane mbaruar shkelqyer dhe jane graduar ne universitetet nderkombetare. Ndaj, ne duhet te kemi nje plan te vecante per ta dhe duhet te inkurajojme perfshirjen e tyre ne administrate, mbi bazen e cilesive te tyre", deklaroi Berisha, ne lidhje me draftin. Sipas tij, ne kete menyre shnderrohet ne realitet edhe premtimi i qeverise per procesin e "brain gain-it", kaq te domosdoshem per vendin.
Projekti i sjelle nga Ministria e Financave dhe i miratuar ne qeveri, parashikon qe nepunesit e Kryeministrise, Presidences, Kuvendit, KQZ-se dhe institucioneve te tjera ne varesi te Kryeministrise dhe ministrive, te shperblehen me nje shtese mbi rrogen e tyre mujore nese kane tituj si Profesor, Profesor i asociuar, Doktor i Shkencave dhe per studimet e thelluara pasuniversitare dhe masterat qe kane kryer. Keshtu, sipas projektligjit, ata nepunes te cilet kane titullin Profesor do te marrin mbi pagen 30000 leke ne muaj dhe ata qe kane titullin Profesor i Asociuar do te shperblehen me 25000 leke. Nga ana tjeter, nepunesit e tjere qe kane grada si Doktor i Shkencave do te shperblehen nga 20000-25000 ne varesi te universitetit dhe shtetit ne te cilin e kane perfituar kete titull. Nga ana tjeter, ata nepunes te cilet kane kryer studime pasuniversitare te thelluara dhe master do te shperblehen me shumen nga 10000 deri ne 20000, shume kjo qe do te percaktohet ne menyre te qarte nga universitet dhe vendet ku jane perfituar keto diploma.
Brain Gain
Kryeministri Berisha deklaroi dje se me shperblimin e nepunesve te administrates qendrore ne baze te titujve dhe gradave qe keta dispononin, qeveria po kryente nje hap drejt "thithjes se trurit". Berisha theksoi se programi i "thithjes se trurit" ishte shume i rendesishem per qeverine dhe te ardhmen e vendit. Prej kohesh, kreu i ekzekutivit kishte premtuar se ky program do te ishte nje objektiv i qeverise.
Diferencimi
Projektligji i miratuar dje per shperblimin e atyre disponojne grada ka ne vetvete edhe diferencime ne lidhje me nivelin e ketyre shperblimeve. Keshtu, per diplomat Master dhe per studimet e thelluara pasuniversitare do te jete Ministria e Arsimit, e cila, ne baze te universitetit ku eshte marr kjo diplome, do te percaktoje edhe nivelin e shperblimit. I njejti bonus dhe per te gjithe ata nepunes, te cilet kane titullin e "Doktorit te Shkencave"
Afati
Te gjithe nepunesit e administrates qendrore te cilet kane nje grade ose titull do te kene mundesine te perfitojne shperblimin mujor, duke u nisur qe nga janari i ketij viti. Kryeministri Berisha deklaroi se ka ardhur rasti qe qeveria te mos vonohet asnje minute me shume me shperblimin e atyre qe kane studiuar dhe kane arritur nje nivel te larte, duke marr tituj dhe grada.
Per zv/ministrin, nepunesit e kabineteve ne Kryeministri, aparatet e ministrive te linjes dhe administraten e Presidentit, Kuvendit dhe KQZ-se:
Profesor/Profesor i asociuar-30000/25000 leke
Zevendesminister
Drejtor i Kabinetit te Presidentit/ Kryetarit te Kuvendit/ Kryeministrit/ zv/Kryeministrit
Keshilltar i Presidentit/ Kryetarit te Kuvendit/ Kryeministrit/ zv/Kryeministrit
Ndihmes i Presidentit/ Kryetarit te Kuvendit/ Kryeministrit/ zv/Kryeministrit
Sekretar i Pergjithshem
Doktor i Shkencave- 20.000-25.000 leke per:
Ndihmes i zv/kryeministrit
Drejtor Kabineti i ministrit
Keshilltar i ministrit
Drejtor Departamenti
Drejtor i Pergjithshem
Drejtor
Studime te thelluara pasuniversitare/ Master i Nivelit te Dyte - 10000-20000 leke:
Pergjegjes Sektori
Kryeinspektor
Koordinator
Jurist
Inspektor
Specialist.
Nepunesit e institucioneve ne varesi te Keshillit te Ministrave:
Profesor/Profesor i asociuar - 30000/25000 leke:
Titullar i institucionit
Doktor i Shkencave - 20000-25000 leke per:
Zv/titullar i institucionit
Drejtor Drejtorie ne institucion
Studime te thelluara pasuniversitare/ Master i Nivelit te Dyte - 10000-20000 leke:
Pergjegjes Sektori
Anetar i organit drejtues
Specialist
Nepunesit e institucioneve ne varesi te ministrave te linjes:
Profesor/Profesor i asociuar - 30000/25000 leke
Titullari i institucionit
Doktor i Shkencave - 20000-25 000 leke per:
Zv/titullar i institucionit
Drejtor Drejtorie ne institucion
Anetar i organit drejtues
Studime te thelluara pasuniversitare/ Master i Nivelit te Dyte - 10000-20000 leke:
Pergjegjes Sektori
Menaxher trainimi
Specialist