Neurokirurget e QSUT, realizojne nje nderhyrje te rralle ne sy Sonila Isaku
Mjeket e Sherbimit te Neurokirurgjise ne Qendren Spitalore Universitare "Nene Tereza" ne Tirane kane realizuar per here te pare nje nderhyrje te rralle, per shkak te nje fistule ne sy. Personat, qe detyrohen t'i nenshtrohen ketij operacioni kane probleme te komunikimeve patologjike midis arterieve dhe venave te trurit, cka sjell nje sere komplikacionesh. Rasti ne fjale i perket nje gruaje te moshes 55 vjec. Sipas prof. Dr. Mentor Petreles, kjo eshte nje nderhyrje e realizuar per here te pare ne vendin tone per shkak te teknikes se perdorur por edhe per shkak te llojit te komplikacionit qe shfaq. "Ne jemi bazuar ne eksperiencen amerikane dhe mund te them, se vetem gjate vitit 2010 ne Amerike jane realizuar 10 raste te tilla. Nderkohe qe sot ne e kemi sjelle kete ne pavijonin e Neurokirurgjise. Rasti ne fjale eshte kryer nepermjet rrugeve endovaskulare, qe do te thote pa hapje por nepermjet nje tubi. Ne kete rast jane perdorur te dy teknikat dhe koinset e platinit te vendosura ne aparature, qe sherbejne per trombozat dhe vendet e hemorragjise te shkojne ne vendin e duhur. Ato pengojne hemorragjine dhe humbjen e pamjes, duke sjelle pacientin ne kushte normale" ka theksuar Petrela. Per mjeket, te cilet kane kryer kete nderhyrje, ajo cilesohet nga me te veshtirat per vete faktin se pasojat e saj jane te renda per pacientet. "Kjo cilesohet si nje nga nderhyrjet e veshtira te realizuara, dhe ka te beje me kirurgjine vazale. Moskurimi dhe mosoperimi i tyre, shkaktojne hemorragji cerebrale, humbje te pamjes dhe pasoja te tjera te renda deri diku edhe per jeten e pacientit dhe ecurine e tij", ka theksuar dr. Gjergji Vreto. Sipas tij, keto lloj nderhyrjesh jane patologji te rralla dhe duke qene te tilla jane edhe te veshtira per t'u trajtuar. Shenjat qe shfaq pacienti jane nga humbja e e pamjes, dhimbje e kokes, dalje e syrit jashte, enjtje e tij te cilat na sherbejne ne per te percaktuar diagnozen nepermjet ekzaminimeve radiologjike. Keto jane patologji te lindura dhe qe shfaqen ne cdo moshe. Ne lidhje me sherbimin e neurokirurgjise, Drejtori i QSUT-se, Edmond Rrushi ka bere te ditur se gjate vitit ne vazhdim ky pavijon por edhe te tjere, te cilet trajtojne rastet e renda, do te kene ne eficence te plote akseleratorin linear. "pergjate ketyre diteve ne institucionin tone jane realizuar nje sere nderhyrjesh te cilat kane qene risi. Me vjen mire qe keto raste per mjeket tane po kthehen ne nje rutine, dhe dua t'u garantoj se do te kene mbeshtetjen time dhe te institucionit qe une drejtoj per t'u gjendur prane me aparatura dhe pajisje, te cilat te na rendisin ne klinika universitare te nje niveli te larte. Ndaj edhe brenda vitit qe vjen, ky pavijon do te kete ne eficence aparaturen e akseleratorit linear." ka pohuar drejtori I QSUT, Edmond Rrushi. Sipas mjekeve kjo lloj nderhyrje sjell nje dite qendrim me te shkurter te pacienteve ne spital dhe rikuperim te gjendjes se tyre brenda shume pak diteve.