Nga 1 Prilli cdo pensionist do kete date dhe ore per terheqjen e pensioneve

Çdo pensionist në Tiranë do të ketë datë dhe një orë të caktuar për të tërhequr pensionin e tij. Për të shmangur pritjen e të moshuarve pranë zyrave të postës, kjo e fundit duke filluar nga një prilli do të publikojë grafikun për ndarjen e pensioneve.
Në rast se një pensionist do të udhëtojë jashtë vendit dhe pensioni i duhet në mënyrë urgjente mjafton të vertetojë lëvizjen e tij, duke paraqitur pranë zyrave të postës dokumentacionin përkates në mënyrë që pensionin ta tërheqë brenda ditës.
Ndërkohë drejtori i Postës Shqiptare i bën thirrje të gjithë qytetarëve të cilët dëshirojnë që pensioni t’i shkojë në shtëpi të bëjnë regjistrimin pranë sporteleve postare.
Aktualisht nga ky shërbim përfitojnë 156 mijë pensionistë ose 30% e numrit të përgjithshëm të tyre.