Ngjela: Pragu elektoral te rritet ne 5%

Fatjona Mejdini
Partite e reja qe pritet te futen ne skenen politike duket se nuk e kane frike pragun e larte elektoral te hyrjes ne Kuvend. Keshtu, ish-deputeti i PD-se, Spartak Ngjela, qe ka deklaruar se se shpejti do te themeloje edhe levizjen e tij, thekson se pragu elektoral per partite politike duhet te jete 5%. Sipas Ngjeles, partia qe ai do te themeloje nuk e ka frike nje prag te larte elektoral dhe do ta kerkoje ate. “Jemi per nje prag te larte dhe principe mazhoritare. Levizja ime do dije te pershtatet mire dhe ne duam pragun 5% per te hyre ne Parlament”, thekson Ngjela ne prag te themelimit te partise se tij. Ne kete menyre, ish-kryetari i Komisionit parlamentar te Ligjeve sfidon partite e tjera te vogla, qe kerkojne nje prag prej 2.5% dhe sistem proporcional.
Nga ana tjeter, Partia Demokratike dhe ajo Socialiste pritet te kerkojne diten e sotme dhenien e nje kohe shtese per Komisionin e Reformes Zgjedhore. Kjo kerkese pritet te vije per faktin se ka skaduar perseri afati i miratuar nga Kuvendi per funksionimin e komisionit parlamentar, qe do te propozoje kete reforme. Bashkekryetari socialist i komisionit, Kastriot Islami, theksoi dje se funksionimi duhet te vazhdoje edhe per muaj te tjere. Sipas Islamit, nese ekziston konsensusi politik mes partive, atehere 3 muaj jane te mjaftueshem per kryerjen e kesaj reforme. Por, sipas Islamit, politika duhet te tregohet e kujdesshme me kete afat, sepse nese kjo reforme nuk kryhet deri ne muajin mars, atehere Shqiperia nuk e merr ftesen per anetaresimin ne NATO.
“Nese nuk do te kete reforme brenda 3 muajve te ardhshem, atehere edhe marrja e fteses se Shqiperise ne Samitin e Bukureshtit do te deshtoje”, theksoi Islami ne lidhje me rrezikun qe has vendi. Per domosdoshmerine e shtyrjes se afatit te reformes u shpreh dje edhe kryetari i Grupit parlamentar te PD-se, Astrit Patozi. Sipas tij, nese komisioni nuk kerkon shtyrje te afatit, atehere kjo reforme konsiderohet si e deshtuar.
Reforma elektorale ka angazhuar se fundmi klasen politike ne vend. Shqetesimi vjen, jo me shume per faktin se zgjedhjet e ardhshme te pergjithshme po afrohen, por sepse reforma eshte nje nga kerkesat kryesore per integrimin e Shqiperise ne NATO dhe Bashkimin Evropian.

Ecuria e komisionit per reformen:
• Qershor- Gusht 2007 (zhvilloi vetem 2 mbledhje)
• Shtator- Dhjetor 2007 (u hodhen vetem propozime)
• Dhjetor- Mars 2008 (pritet te jete afati i ri)