Opozita, carje per federaten

Denis Dedej
Partia Demokracia Sociale dhe Aleanca Demokratike jane kunder krijimit te nje federate te majte. Ideja e hershme, e hedhur nga kryetari i Partise Socialiste, Edi Rama, eshte kundershtuar nga dy parti te koalicionit opozitar.
Per kreun e PDS-se, Paskal Milo, ne Shqiperi nuk jane krijuar kushtet per organizimin e nje federate te majte. Sipas tij, ka disa arsye per te cilat kjo federate nuk mund te krijohet aktualisht dhe arsyeja kryesore eshte pikerisht percarja qe ekziston brenda vete partise kryesore te se majtes, qe eshte Partia Socialiste. “Nje tjeter arsye, per te cilen nuk mund te realizohet krijimi i nje federate te majte, eshte edhe fakti qe LSI, aktualisht, nuk eshte e prirur qe te futet ne nje ombrelle federate, sepse do te krijonte pershtypjen sikur po rikthehej perseri ne strukturen nga ajo doli”, theksoi Milo. Per rrjedhoje, LSI, sipas kreut te PDS-se, do te demtohej ne imazh dhe ne elektorat, si dhe do te zhgenjente nje pjese te strukturave te saj, te cilat ne perberjen e tyre jane ish-socialiste te pakenaqur nga zhvillimet brenda PS-se ne kohen e qeverisjes se Fatos Nanos.
I te njejtit mendim eshte edhe i kryetarit te Partise Aleanca Demokratike, Neritan Ceka, i cili shprehet se partia e tij tashme gjendet e pozicionuar si nje parti e qendres dhe ndaj nuk eshte e interesuar per krijimin e ndonje federate te majte apo te djathte. “PAD nuk ka ndonje interes per krijimin e nje federate te majte apo te djathte, edhe ne rastin e rritjes se pragut elektoral”, nenvizoi drejtuesi i PAD-se. Sipas tij, PAD nuk i takon se majtes, por eshte nje parti e qendres edhe ne programin e saj, por edhe ne teresine e saj, pasi ben pjese ne organizaten Liberal Demokrate Evropiane, qe eshte e perfaqesuar si nje force e vecante e Parlamentit Evropian, krahas se majtes dhe te djathtes.
Prej kohesh, ne kampin opozitar eshte hedhur ideja e krijimit te nje federate te majte, kjo eshte propozuar nga kryetari aktual i Partise Socialiste. Partia e vetme qe ka perkrahur kete ide eshte Partia Socialdemokrate.
Neritan Ceka (PAD):
“PAD tashme gjendet e pozicionuar si nje parti e qendres dhe ndaj nuk eshte e interesuar per krijimin e ndonje federate te majte apo te djathte. PAD nuk i takon se majtes, por eshte nje parti e qendres edhe ne programin e saj, por edhe ne teresine e saj, pasi ben pjese ne organizaten Liberal Demokrate Evropiane, qe eshte e perfaqesuar si nje force e vecante e Parlamentit Evropian, krahas se majtes dhe te djathtes”
Paskal Milo (PDS):
“Ka disa arsye, per te cilat kjo federate nuk mund te krijohet aktualisht dhe arsyeja kryesore eshte pikerisht percarja qe ekziston brenda vete partise kryesore te se majtes, qe eshte Partia Socialiste. Kushti i pare per te menduar per nje federate ne te ardhmen eshte qe te kete nje PS unike dhe te qendrueshme ne struktura dhe qe te mos kete halle te tilla te brendshme, qe nuk e lejojne ate qe te mendoje per te realizuar nje federate bashke me partite e tjera”.