Ngrohja globale, e nënvlerësuar

Përmasat e dukurisë së ngrohjes globale janë nënvlerësuar në masë shumë të madhe dhe efektet e saj gjatë këtij shekulli do të jenë më të rënda nga ç‘besohet. Paralajmërimi vjen nga profesor Kris Fild, autor i një raporti mbi ndryshimet klimaterike në vitin 2007. Profesori Fild tha se Paneli Ndërqeveritar për Ndryshimet Klimaterike e ka nënvlerësuar dëmin që do të pësojë ambienti. Shtoi se lëshimi në hapësirë i gazrave të dëmshëm është shtuar më shumë se parashikimet në vitet 2000-2007.