Nikolla:Minatorët, sërish të hënën në protestë

Minatorët do të ndërpresin protestën për dy ditë, ndërsa ata do të kthehen në vendlindje në Bulqizë, ku do të fillojnë ditën e hënë sërish me protestën.

Ka qenë kryetari i Konfederatës së Sindikatave, Kol Nikolla i cili informoi për platformën, duke u shprehur i bindur se protesta në Tiranë, e arriti qëllimin final.
 

Minatorët kërkojnë rritje page, kryerjen e investimeve, kushte më të mira pune si dhe largimin e subjekteve te palicensuara, miratimin e statusit te minatorit dhe uljen e moshës së daljes në pension dhe nëqoftese nuk realizohen, do të merren masa më drastike.