Nis gjyqi ndaj Ilir Metes per korrupsion

U zhvillua dje seanca gjyqesore ndaj te pandehurit Ilir Meta para Kolegjit Penal te Gjykates se Larte. Mbrojtesit ligjore te ish-zv.kryeministrit kerkuan qe provat e administruara nga Prokuroria e Pergjithshme ne kete procedim penal te cilesohen te paperdorshme. Kerkojme paperdorshmerine e provave te marra nga Prokuroria e Pergjithshme pasi ato jane administruar jo ne formen qe e kerkon Procedura Penale - thane avokatet mbrojtes.

Sipas tyre si videoja e regjistruar nga deputeti Dritan Prifti ashtu edhe ekspertimi i kryer asaj ne SHBA dhe Angli eshte kryer ne shkelje te Kodit te Procedures Penale. Arsyeja qe keta e quajne keshtu eshte sipas tyre pasi videoja per ekspertimi eshte derguar me poste dhe jo me leter-porosi sic e kerkon ligji dhe ky ekspertim eshte bere nga nje ekspert privat dhe jo i ndonje institucioni shteteror.

Kete pretendim e kundershtoi prokurori i ceshtjes i cili kerkoi qe kjo kerkese e avokateve te shqyrtohet nga gjyqtaret qe do te gjykojne dosjen penale ne ngarkim te te pandehurit Ilir Meta pasi dosja tashme eshte depozituar ne sekretari.

Kolegji Penal i Gjykates se Larte dy ore pasi u terhoq per vendim u shpreh se kjo kerkese do te shqyrtohet nga gjyqtaret qe do te gjykojne dosjen e themelit ndaj deputetit te akuzuar per korrupsion aktiv te personave qe ushtrojne funksione publike. Akuze kjo qe sipas prokurorise eshte konsumuar nga i pandehuri Meta teksa i kerkonte ish-vartesit te tij te favorizonte nje kompani private ne shpalljen fitues te koncesionit per ndertimin e hidrocentralit te Shushices.