Nis shperndarja librave, kategorite qe perfitojne rimbursim Luljeta Ndoka
Te gjithe nxenesit qe ndjekin arsimin parauniversitar kane mundesine te pajisen me librat shkollore duke filluar nga dita e djeshme. Ata do te mund t'i blejne librat e tyre ne shkollat ku mesojne, ku edhe kane te afishuar cmimet e tyre. Mesatarisht nje pakete librash shkon nga 3000-4500 leke, gjithcka varet nga teksti alternativ qe ka zgjedhur cdonjera prej shkollave. Ministria e Arsimit sjell ne vemendjen e te gjithe prinderve te nxenesve se ata duhet te ruajne me kujdes faturen e blerjes se teksteve shkollore, ne menyre qe t'u realizohet rimbursimi i tyre. Keshtu, ata qe perfitojne rimbursim te teksteve ne masen 100 per qind duhet te dorezojne qysh javen e pare te shkolles dokumentet perkatese qe ne kete rast jane kuponi tatimor dhe vertetimi qe familja trajtohet me ndihme ekonomike. Per kategorine e nxenesve qe perfitojne rimbursim ne masen 50 per qind kuponi tatimor duhet te dorezohet direkt ne vendin e punes, po brenda javes se pare te fillimit te procesit mesimor. Ne kete menyre, sipas keshilltarit Kristiqi, do te shmangen problemet qe mund te vine nga mos pajisja e tyre me kupon tatimor. Nese kuponi tatimor nuk eshte terhequr ne momentin qe jane marre tekstet, kjo mund te behet ne ditet ne vazhdim, pasi shperndarja e teksteve ne shkolla do te vazhdoje deri ne daten 10 shtator. "Kjo eshte arsyeja pse ne u kemi kerkuar drejtuesve te shkollave qe brenda kesaj date te kete perfunduar evidentimi dhe dorezimi i dokumenteve per nxenesit perfitues", - shprehen burime nga MASH. Pas blerjes se teksteve shkollore familjaret dorezojne ne drejtorine e shkolles faturat ose ndryshe kuponin tatimor te blerjes. Drejtoria e shkolles, per nxenesit qe plotesojne keto kushte si dhe per nxenesit e minoritetet grek ose maqedonas, harton listat per cdo klase dhe per te gjithe shkollen, dhe brenda dates 15 shtator i dergon ne DAR/ZA. Masa e rimbursimit per kete vit do te jete 100 per qind per nxenesit e familjeve qe marrin ndihme ekonomike, 50 per qind per nxenesit, kryefamiljaret e te cileve kane nje page mujore nen 30 mije leke, ndersa per nxenesit e minoriteteve librat do te jene falas. Tekstet shkollore subvencionohen nga shteti ne masen 100 per qind per nxenesit e arsimit 9-vjecar ose te mesem qe plotesojne keto kushte: kane statusin jetimit, vijne nga familje qe trajtohen me ndihme ekonomike dhe pagese papunesie nga zyrat e punesimit. Po keshtu perfitojne nxenesit kur kryefamiljari perfiton pension invaliditeti dhe ne familje nuk kane anetare te punesuar ose te vetepunesuar. Tekstet kompensohen dhe kur kryefamiljari perfiton pension pleqerie shteti dhe ka femijet ne ngarkim, te cilet jane pa te ardhura. Subvencionohen nga shteti me tekste nxenesit qe vijne nga familje qe kane perberje te tyre anetare me aftesi te kufizuara, te lindur ose te bere te tille dhe nuk kane anetare te tjere te familjes te punesuar ne sektorin publik ose te vetepunesuar ne sektorin privat.