Nis takimi i ministrave të jashtëm në Bruksel

Ministrat e jashtëm të Bashkimit Evropian nisën sot bisedimet në Bruksel, duke bërë thirrje për shtim të presionit ndaj Iranit për programin e tij bërthamor.

Ministri i jashtëm gjerman, Guido Vestverlle, hodhi një ide për aksion ushtarak, ndërsa sekretari i jashtëm britanik, Uilliam Hag dhe ministri i jashtëm holandez, Uri Rosenthal, thanë se asnjë opsion nuk duhet të përjashtohet.

Ministri i jashtëm francez, Alan Zhupe, tha se komuniteti ndërkombëtar duhet të marrë një qëndrim “shumë të fortë" duke forcuar sanksionet kundër Iranit "për të shmangur një ndërhyrje të pariparueshme".