Niset per tek i fejuari, zhduket pa lene gjurme 19-vjecarja

BERAT - Zhduket prej kater ditesh nje vajze 19 vjece. Policia e Beratit ka bere te ditur dje se, Orjola Sulku, ka humbur kontaktin me familjen qe prej kater ditesh. Vajza eshte nga nje fshat i rrethit te Beratit, nderkohe qe policia ka nisur kerkimet per gjetjen e saj. Sulku mesohet se ka humbur lidhjen me familjen qe prej dites se diele ndersa ishte nisur per ne banesen e te fejuarit te saj. 19-vjecarja lindur dhe banuese ne fshatin Gjeroven, ne rrethin e Beratit, te dielen mesohet se ishte nisur per ne banesen e te fejuarit ne fshatin Kamcisht, por nuk eshte kthyer me. Policia ka nisur hetimet dhe ka marre ne pyetje dhe familjaret e vajzes se zhdukur, per te bere te mundur zbulimin e ndonje shkaku qe mund te kete detyruar vajzen te largohej. Kane qene familjaret Sulku te cilet kane kerkuar sot ndihmen e policise duke deklaruar humbjen e saj. Sipas familjareve vajza ka humbur kontaktin qe prej dites kur eshte larguar. Pikerisht mengjesin e se dieles ajo ishte nisur per t'i bere nje vizite familjareve te te fejuarit ne fshatin e Lushnjes, qe eshte emigrante ne Greqi. Vajza sipas familjareve kishte kaluar nje nate ne banesen e prinderve te te fejuarit ne fshatin Kamcisht, ndersa diten e hene duhet te ishte kthyer ne banesen e saj, ne fshatin Gjeroven. Por ajo nuk eshte kthyer ende prane familjes. Pasi kane pritur diten e hene dhe vajza nuk ka mberritur ne banese, familjaret mesohet se kane kontaktuar me prinderit e dhendrit te tyre, nga te cilet kane mesuar se nusja ish larguar nga banesa e tyre qe diten e hene. Kjo gje i ka vene ne alarm te plote familjaret Sulku, te cilet kane kerkuar menjehere ndihmen e policise. E. Azizolli