"Progres i shpejte ne konsolidimin e sistemit arsimor"

Ne mjediset e kampusit te Universitetit Kristal ne Tirane u zhvillua dje ceremonia e perurimit te ambienteve te reja universitare. Mjediset e reja te Universitetit Kristal jane vizituar nga Kryeministri Sali Berisha. Ne ceremonine e organizuar me rastin e perurimit te ketyre ambienteve akademike, z. Berisha ka vleresuar investimin qe ka bere Kompania Arsimore Kristal duke e konsideruar arsimin e larte si te nje rendesie paresore ne krijimin e profesionisteve te se ardhmes. Ai e ka cilesuar kete investim si shume serioz dhe si nje kontribut i drejtperdrejte ne permiresimin e standardeve ne arsimin universitar. Gjithashtu z. Berisha ka pergezuar kontributin dhe punen e bere nga stafi i Universitetit Kristal ne formimin dhe pergatitjen e profesionisteve te se ardhmes. Pas perurimit te ambienteve te reja eshte organizuar ceremonia e shperndarjes se diplomave per studentet qe kane mbyllur ciklin e studimeve universitare prane ketij Universitet kete vit. Studentet e sapodiplomuar, te cilet tani jane gati te perballen te sigurt me tregun e punes te pajisur me njohurite e duhura, jane te degeve Drejtesi, Infermieri dhe Farmaci. Diplomat u dorezuan nga rektori i Universitetit prof. Mareglen Spiro, dekani i Fakultetit te Drejtesise, dr. Ilir Berhani, dekani i Fakultetit te Infermierise, prof. asc. Andrea Gudha dhe dekani i Fakultetit te Farmacise dr. Enver Mustafaj. Ne emer te Universitetit Kristal studentet e diplomuar i uroi rektori i Universitetit Kristal, prof. Mareglen Spiro, i cili u ka uruar suksese ne te ardhmen e tyre si profesioniste te fushave ku jane diplomuar. Ai ka vleresuar seriozitetin dhe perkushtimin e treguar prej tyre qe beri te mundur edhe diplomimin e tyre ne kete dite. Vete Universiteti Kristal, per te rritur cilesine e edukimit universitar dhe per t'i ofruar studenteve sa me shume mundesi per zhvillimin e aftesive profesionale, ka vendosur lidhje me shume organizma shteterore dhe nderkombetare.

Nje pjese e mire studenteve te diplomuar sot kane zhvilluar praktikat mesimore prane ketyre institucioneve dhe organizatave.