Nishani Policia masa per mbarevajtjen e sezonit turistik

Ministri i Brendshëm Bujar Nishani, në një takim me efektivat e Policisë së Shtetit ka deklaruar se janë marrë të gjitha masat për mbarëvajtjen e sezonit turistik. Nishani kërkoi nga forcat e policisë që etika e sjelljes të jetë maskiamle për ti shërbyer sa më mirë turistëve.

Ministri Nishani deklaroi se pritet fluks i madh turistësh në pikat kufitare dhe se për mbarëvajtjen e sezonit, policia shqiptare ka bërë marrëveshje me strukturat homologe. “Bashkëpunimi me homologët fqinj të jetë intensiv. Etika e sjelljes së efektivëve të jetë maksimale. Të denoncohen rastet për injorim etike”, ka deklaruar Nishani.

Ministri Nishani kërkoi që të vihen gjoba ndaj bizneseve që prishin qetësinë publike. Po ashtu ai kërkoi që prefektët të kenë rol kyç në zbatim të ligjit.