Nisin “ethet” e Matures dhe pergatitjet e para

Bashke me projektin per verifikimin e notave te maturanteve me ane te paratesteve, kane nisur edhe “ethet” e maturanteve, te cilet ne fakt jane njoftuar gojarisht nga mesuesit e tyre per kontrollet e mundshme. Nje njoftim i tille i ka bere ata qe t’i shtrohen seriozisht punes. Keshtu, ata jane te bindur se do te dale e verteta si ne rastin kur mesuesi u ka “ngrene” noten, ashtu edhe kur i ka vleresuar me shume sesa duhet. Ne fakt, nisja e pergatitjeve te sivjetshme, ndonese ende jo zyrtarisht, perkon edhe me pergatitjet e vjetshme. Para nje vit, ne po kete periudhe, Ministria e Arsimit dhe e Shkences njoftoi disa risi qe kishin te benin me procesin e Matures Shteterore. Ndersa risi per Maturen 2008 pritet te jete futja e anglishtes si lende me detyrim si dhe nje menyre tjeter testimi. Behet fjale per teste me alternativa pyetjesh te ngaterruara, ne menyre qe te ulet shkalla e kopjimit. Keshtu, nese per x maturant pergjigjja e sakte e pyetjes se pare do te jete alternativa e dyte per maturantin tjeter pergjigjja e sakte e se njejtes pyetje do te jete alternativa e katert. Per sa u perket mbikeqyresve te provimeve, ose sic jemi mesuar t’i quajme, administratoreve, ata do te levizen nga nje qytet ne tjetrin.