Nje ne 5 persona, vret mendjen se si te dobesohet

Te ekspozuar vazhdimisht ndaj femrave dhe meshkujve me trup te hatashem, neper spote televizive e kopertina revistash, shumica e njerezve gati-gati bien ne depresion, nga format e tyre trupore. Ekspertet thone se edhe linjat perfekte te modeleve e modeleve, jane me se shumti te "krijuara", pra qe nuk do te thote se ato jane vertet permasat ideale qe nje person, qe nuk ka lidhje me moden, duhet te kete. Gjithsesi, rezultatet e nje studimi nga me te fundit ne Britanine e Madhe, treguan se tek disa persona, mania per te qene te dobet, kalon ne obsesion. Cdo dite, nje ne pese britanike mendon per ate sesi te humbase peshe, ndersa 2/3 e njerezve mendon per kete, sa here qe del para pasqyres. Me shume se gjysma e te anketuarve pranuan se mendojne per humbje peshe sa here qe blejne rroba, 45 per qind e grave i brengos pesha kur pergatiten per ndonje ngjarje solemne, ndersa pesha e 39 per qind e njerezve, behet ankth pak para vajtjes me pushime. Ndonese brenga rreth kilogrameve eshte e perditshme dhe mundon nje numer te madh njerezish, studimi tregoi se pakkush eshte i gatshem te beje dicka konkrete lidhur me kete ceshtje. Shumica arsyetohen me faktin se nuk kane kohe per ushtrime, (39 per qind e tyre), ndersa 36 per qind besojne se mund te humbasin kilograme pa ushtrime te mundimshme. Po keshtu, gjysma e te anketuarve pranoi se jane lakmitare dhe se i mbushin pjatat plot ushqim, ndersa 20 per qind e tyre besojne se per shkak te kenaqesise se madhe qe gjejne te alkooli, nuk mund te humbasin kilograme. Rreth 1/5 e te anketuarve pohuan se kane probleme me te rendesishme qe po i mundojne, sesa teprica e kilogrameve. Ajo qe eshte me interesante, te pakten 40 per qind e personave, thane se per shkak te frikes nga rezultatet, nuk e nisin fare luften me kilogramet e tepert. Sigurisht qe ne raport me meshkujt, femrat sikurse pritej, rezultuan te ishin me te merakosura per linjen dhe peshen, mbase kjo edhe per faktin se grate shtojne me lehte ne peshe sesa burrat.

Nje britanike mesatare gjate jetes ishte 15 here ne diete, kurse nje britanik mesatar, kete e tentoi vetem 9 here.