Biznesi i madh, mbaron afati per pajisjen me kasa
Deri ne fund te ketij viti parashikohet qe i gjithe biznesi ne vendin tone te pajiset me kasat fiskale. Vendimi i qeverise parashikon qe brenda periudhes nentor 2008 - maj 2009, te pajisen me kasa fiskale personat e regjistruar per TVSH-ne dhe tatimin mbi fitimin, te cilet administrohen nga Drejtoria Rajonale Tatimore e tatimpaguesve te medhenj dhe Drejtoria Rajonale Tatimore, Tirane. Fillimisht do te behet e mundur pajisja me kasa fiskale e biznesit te madh ne qytetet kryesore Tirane dhe Durres dhe pasi te kete perfunduar procesi per biznesin e madh, do te filloje edhe pajisja me kasa fiskale e biznesit te vogel. Eksperte te financave sqarojne se pajisja me kasa fiskale do te funksionoje normalisht, pavaresisht pretendimeve te biznesit se ka probleme ne furnizimin me energji elektrike. Gjate periudhes kur nuk ka energji elektrike, biznesi do te perdore metodat alternative si faturat e dores, apo alternativa te tjera dhe ne rastet kur gjate kontrollit do te gjenden parregullsi, atehere do te kete penalizime per biznesin. Ne baze te vendimit per pajisjen e biznesit me kasa fiskale, tatimpaguesit, te cilet shesin mallra, prodhime apo kryejne furnizime te sherbimeve ne lokale apo njesi te hapura per publikun, per te cilat pagesat nuk kryhen nepermjet bankes, jane te detyruar te perdorin pajisje fiskale per regjistrimin e pagesave me para ne dore dhe te leshojne ne menyre te detyrueshme, kuponin tatimor. Personat, juridike dhe fizike, qe do te mbajne te dhenat e xhiros, nepermjet regjistruesit elektronik, jane te detyruar te mbajne regjistrimet. Nderkohe afati i fundit per personat e regjistruar per TVSH-ne dhe tatimin mbi fitimin, te cilet administrohen nga drejtorite e tjera rajonale tatimore eshte muaji dhjetor 2009. Pese kompani, mes te cilave dhe shqiptare, jane perzgjedhur nga Komisioni i Vleresimit te Ofertave te Ministrise se Financave, per te pajisur me kasa fiskale biznesin ne Shqiperi. Gjithsej numerohen rreth 12 mije biznese te medha dhe rreth 70 mije te vogla, te cilat do t'i nenshtrohen procesit te pajisjes me kasa fiskale.