Njohja e simptomave te stresit post-traumatik trajnohen 32 gra te burgosura

Iniciativat e ndermarra ne burgjet shqiptare kohet e fundit jane nga me te ndryshmet. Pak kohe me pare 32 gra te burgosura kane marre pjese ne trajnimin mbi Njohjen e simptomave te crregullimit te stresit post-traumatik. Burime zyrtare nga burgjet bejne te ditur se ne kuader te programit vjetor per ndergjegjesimin e grave te burgosura per pasojat negative qe sjell stresi ne aspektin psikologjik dhe shpirteror Sektori i Problemeve Shoqerore ne Drejtorine e Pergjithshme te Burgjeve ka organizuar nje sere trajnimesh dhe biseda ne institucionet penale ku ndodhet kjo kategori. Grate shihen si nje nga kategorite me vulnerabel ne IEVP dhe per kete eshte e nevojshme hartimi i programeve specifike per te lehtesuar qendrimin e tyre ne institucionet penale dhe ne te njejten kohe per te reduktuar pasojat negative qe vijne si pasoje e futjes ne burg. Per kete ne shtator e tetor te vitit 2010 jane zhvilluar takime tematike dhe informuese me grate e burgosura me qellim njohjen e simptomave te crregullimit te stresit post-traumatik. Takimi i pare u zhvillua ne IEVP Ali Demi dhe me pas seanca tjeter u zhvillua ne IEVP Jordan Misja. Ne total moren pjese 32 gra te burgosura. Pjese e diskutimeve ishte dhe ndergjegjesimi i grave per te perfituar nga sherbimi psiko-social qe ofrohet ne IEVP dhe gjithashtu te jene sa me aktive ne te gjitha aktivitetet qe ofrohen pasi jane elemente pozitive qe ndikojne ne uljen e stresit.