Njohu Kosovën, Serbia dëbon ambasadorin ganez

Kundërpërgjigjet Gana, mbyll ambasadën në Beograd

Mediat në Gana thonë se ky vend së shpejti do të mbyllë ambasadën në Beograd, pasi Serbia ka dëbuar ambasadorin e Ganës për shkak të njohjes së Kosovës.
Shefi i diplomacisë së Ganës, Alhaji Mohamed Mumuni, i ka thënë parlamentit se “marrëdhëniet e përzemërta” deri më tani ndërmjet dy vendeve, kanë pësuar dëme serioze pas njohjes së shtetësisë së Kosovës.
Portali “GanaËeb” shkruan se “autoritetet e zemëruara serbe” kanë bërë përpjekje që përmes ambasadorit në Beograd, Samuel Valis-Akjan, të bëjnë presion tek zyrtarët për të tërhequr njohjen.
Ministri Mumuni ka thënë se Ganës “nuk i ka mbetur gjë tjetër përveç të urdhërojë mbylljen e misionit të saj diplomatik në Beograd”.
Ambasada e Ganës në Beograd ka konfirmuar për mediat serbe se ambasadori i saj ka udhëtuar drejt Ganës, por jo edhe informacionet për mbylljen e përfaqësisë diplomatike.
Gana ka njohur pavarësinë e Kosovës në janar të këtij viti.