Noka-Lambsdorff: Bashkëpunim të shkëlqyer bilateral me vendet e BE-së

Ministri i Brendshëm Flamur Noka, priti në një takim kortezie të dërguarin e posaçëm të Ministrise se Jashtme Federale të Gjermanisë për Europën Juglindore, ambasadorin Nikolaus Graf Lambsdorff. Gjatë takimit, Ministri i Brendshëm Flamur Noka, e informoi Ambasadorin Lambsdorff lidhur me çështjet e rendit dhe të sigurisë publike.
 

Ministri Noka i paraqiti një panoramë të punës së të gjitha strukturave të Policisë së Shtetit në vend, si edhe për bashkëpunimin e shkëlqyer të tyre në nivele bilaterale me vendet e BE-së, por edhe me strukura si Europolin, Interpolin, FRONTEX-in, etj.
 

"Si rezultat i këtij bashkëpunimi janë shënuar rezultate shumë të mira, në luftën kundër krimit, tarfikimit të lëndëve narkotike, por në kuadër të krimit ekonomik apo pastrimit të parve", u shpreh Ministri Noka.
 

Nga ana e tij, Ambasadori Lambsdorff, shprehu vlerësime për punën e Policisë së Shtetit lidhur me çështjet e sigurisë dhe rendit publik në vend, por edhe më gjerë. Lambsdorff duke vlerësuar arritjet dhe reformat në Policinë e Shtetit, shprehu bindjen se kjo punë do të vijojë edhe në të ardhmen, në dobi të profesionalizmit të saj dhe në shërbim të plotë ndaj qytetarit.