Normalizohet shperndarja e gazit te lengshem ne Porto Romano
Ka nisur normalitetin puna per shperndarjen e gazit te lengshem ne Porto Romano Durres ku gjenden edhe depozitat strategjike te shumices. Ne parkun energjetik te Porto Romanos pas 15 ditesh nga bllokimi ka nisur te shperndahet gaz per tregtaret e dores se dyte por gjithsesi nje pjese e ketyre te fundit nuk mund te tregtojne gaz per shkak se nuk jane instaluar kasat fiskale dhe inspektoret e task-forces per cdo cast gjenden neper pikat e tyre me fletet e gjobave. Nisur nga kjo situate cmimi i gazit pesoi nje rritje te lehte e cila sipas pronareve te kompanive vjen nga kasat fiskale fakt i cili u kundershtua nga zyrtaret e Tatimeve. Cmimi i tyre sipas tregtareve te gazit eshte shume i larte por dy jane zonat me rendesi strategjike ne vendin tone ku tregtohet gaz dhe karburant ajo e Petroliferes ne Vlore dhe tjetri eshte Parku Energjetik ne Porto-Romano. Ne te dyja keto parqe jane instaluar depozitat gjigante te gazit te lengshem prej nga ku furnizohen tregtaret e dores se dyte te kesaj lende djegese. Ne Durres per shkak te mospajisjes me kasa fiskale Porto Romano qendroi dy jave e bllokuar. Por keto ditet e fundit situata ka ndryshuar pasi pronari ka pajisur me kasa fiskale depozitat e furnizimit. Jane paguar plot 96 mije euro per te blere dhe per te instaluar kete pajisje. Edhe pse teknikisht kasat nuk jane instaluar ende fatura e pageses ka pasur efekt te njerezit e task-forces te cilet kane dhene lejen per shitjen e gazit. Nderkohe jane me dhjetera pikat e dores se dyte te cilat furnizojne me bombola dyqanet e vogla per konsumatoret e qe ende jane te pavendosura per instalimin e pajisjes. Sipas njerit prej pronareve te ketyre pikave rezulton se kjo kategori shpreson te nise negociatat me Ministrine e Financave me qellim zbutjen e cmimeve te kasave qe arrijne deri ne 60 mije euro copa. Sidoqofte instalimi i kasave ne depozitat strategjike e ka dhene efektin e pare. Cmimi i gazit ne pikat e dores se dyte arriti ne 86 leke per liter nderkohe qe tregtaret fundore e shesin me 90 leke litrin duke nxjerre edhe fitimin e tyre. Sipas tregtareve te gazit te cilet disponojne depozitat e dyta nese kasat fiskale do te instalohen me vleren e percaktuar atehere vlera e gazit do te pesoje edhe nje rritje te dyte. Para pak ditesh Shoqata e Tregtimit te Gazit te Lengshem u dergoi nje leter ministrive perkatese nepermjet se ciles kerkonte nje reflektim mbi udhezimin per pajisjen me kasa fiskale me qellim uljen e vleres. Nga ana tjeter instalimi kasave ka synim uljen e abuzimeve me cmimin e gazit.