"Nuk do te kete copezim"

Perfaqesuesi special i Bashkimit Evropian ne Kosove, Piter Feith, siguroi dje ne Vjene se nuk do te kete copezim te Kosoves, por lidhje mes Beogradit dhe minoritetit serb atje. "Plani Ahtisari parashikon decentralizim me krijimin e komunave te reja ne dobi te komuniteteve serbe, por nuk do te kete copezim te vendit, nuk eshte parashikuar", pohoi Feith para shtypit. "Do te kete lidhje mes Beogradit dhe komunitetit serb dhe mendojme qe ky eshte nje afrim realist, qe pasqyron kushtet aktuale", shtoi ai. Feith i beri keto vleresime pas daljes nga mbledhja me nje grup nderkombetar pune, i perbere nga 15 vende, qe kane njohur pavaresine e Kosoves. Ky grup do te mbikeqyre Kosoven ne hapat e pare pas shpalljes se pavaresise se saj. Feith, qe u zgjodh nga ky grup perfaqesuesi i larte civil nderkombetar per Kosoven, kujtoi se mbeshtetesit e pavaresise se saj do te bazohen ne planin "Ahtisari" per funksionimin e shtetit kosovar. "Ky plan do te ndihmoje Kosoven te zhvillohet si shtet i qendrueshem, multietnik dhe demokratik ne gjirin e Evropes, qe do te kontribuoje per stabilitetin ne Ballkan", vleresoi ai.