Prodhimet BIO, Shqiperia potencial eksporti
Per here te dyte Shqiperia prezantohet me prodhime organike, te certifikuara nga organizma nderkombetare, ne BioFach 2008, panairi me i madh boteror, qe u organizua ditet e fundit ne Nuremberg te Gjermanise. Industria Shqiptare e Bimeve Aromatiko-Mjekesore (perfshi ketu bimet e thata, esencat, kerpudhat dhe geshtenjat) u perfaqesuan ne kete panair nga 4 kompani, te cilat perfaqesojne bizneset me te medha eksportuese ne tregjet e huaja. Ne kuader te ketij aktiviteti u organizua nje tryeze e rrumbullaket me perfaqesues te Ministrise gjermane te Bujqesise, Dhomes Gjermane te Tregtise dhe bizneseve gjermane, ku u diskutua per krijimin e nje klime te pershtatshme per bashkepunim te sigurt me kompanite shqiptare te bimeve aromatike dhe mjekesore.
Ata vleresuan resurset tona natyrore dhe perpjekjet e bizneseve shqiptare per t'u shtuar vlere prodhimeve te pyjeve. Sipas Ministrise se Bujqesise, ky eveniment provoi se biznesi shqiptar i ketij sektori, renditet perkrah bizneseve rajonale dhe nderkombetare, duke i ofruar tregjeve boterore prodhime organike. Kater kompanite pjesemarrese treguan me punen dhe paraqitjen e tyre dinjitoze se jane ne gjendje te permbushin standardet e tregut boteror per prodhimet BIO. Keto biznese kane investuar miliona dollare per te kthyer keto prodhime nga grumbullim per eksport, ne perpunim per perdorim brenda vendit dhe eksport si produkte te gatshme dhe gjysme te gatshme. Keshtu sipas te dhenave nga shoqata kombetare shqiptare e bimeve mjekesore, vetem ne fabriken e perpunimit te bimeve medicinale qe po ndertohet ne Maminas, jane investuar rreth 1000000 euro, dhe ne ate te perpunimit te geshtenjave ne Tropoje mbi 200 mije euro, duke sjelle nje garanci me shume per te ardhmen e kesaj industrie. Shqiperia ka nje pasuri te madhe natyrore, por specialistet dhe strukturat institucionale po bejne perpjekje per t'i mireperdorur ato ne sherbim te njeriut. Ky panair sherbeu ne promovimin e potencialit te Shqiperise te bizneset e huaja, pjesemarrese ne panair, si perftimin e pervojes dhe vlerave me te mira te stendave amerikane, kanadeze, japoneze dhe evropiane.