Nuk paguan dot gjoben, dorezohet per 20 dite burg

BERAT- Nje i denuar me gjobe per abuzim me energjine elektrike vetedorezohet ne polici duke pranuar qe te konvertoje kete mase ne dite burgu pasi nuk kishte mundesi financiare te paguante 100 mije leke. Burime zyrtare te policise se Beratit thane dje se ndaluan per vepren penale te "vjedhjes se energjise elektrike" pas urdhrit te prokurorise me date 12 tetor, Thimi Cepelen, banues ne Uren Vajgurore. Prokuroria kerkoi ndalimin e 51-vjecarit pas nje vendimi te marre nga Gjykata e Rrethit te Beratit per konvertimin e denimit nga nje gjobe prej 100 mije lekesh, ne denimin me burg prej 20 ditesh. Me nje vendim me numer 132, qe mban daten 5 tetor, gjykata vendos te pranoje kerkesen e te akuzuarit ne gjendje te lire per te konvertuar nga gjobe ne 20 dite heqje lirie. Cepele, gjate nje kontrolli qe inspektoret e KESH-it bene ne banesen e tij ne Uren Vajgurore, rezultoi se bente vjedhje te energjise me lidhje te dyfishte, akuze e cila u ligjerua nga gjykata dhe dha denimin per te dyshuarin.

E.H.