Numërohen rreth 60% e votave, udhëheq koalicioni i majtëNga TemaNjë ditë pasi shqiptarët kanë votuar, rezultatet, ndryshe nga sa kishin treguar exit poll-et, tregojnë se e majta është në avantazh me dy deputetë, duke pasur mundësinë të krijojë qeveri

Nëse dëshironi të lexoni edicionin online të gazetës në PDF klikoni këtu.

Një ditë pasi shqiptarët kanë votuar, rezultatet, ndryshe nga sa kishin treguar exit poll-et, tregojnë se e majta është në avantazh me dy deputetë, duke pasur mundësinë të krijojë qeverinë.

Organizata joqeveritare ECA tregon përmes këtyre grafikëve të orëve të fundit se gara është shumë e ngushtë në qarqet e vendit e do të duhet të pritet rezultati përfundimtar për të parë fituesin.

Por duhet theksuar se një rezultat i tillë ka demoralizuar mazhorancën, e cila të dielën në mbrëmje festonte rezultatin në rrugët e shumë qyteteve të vendit. Kjo për shkak të exit polle-ve, që treguan se, ose nuk janë aspak profesionale, por mashtrime, ose se shqiptarët që janë në opozitë druhen të tregojnë votën e tyre, çka është më e rëndë, se tregon në çfarë klime terrori është votuar.

Mazhoranca aktuale ka ecur përpara në qarqet e veriut që duhet thënë se e kanë ndihmuar shumë me diferencat që kanë theksuar. Por në qarqet e jugut e të Shqipërisë së mesme e majta është në avantazh.

Megjithatë, bie në sy se LSI nuk është paraqitur aq mirë sa pritej duke marrë vetëm 3 deputetë, kur janë numëruar rreth 60% e votave.