Nxenesit e shkollave, ore mesimi per semundjet dhe veset Sonila Isaku

Nxenesit e shkollave 9-vjecare, duke filluar nga ky vit akademik do te kene ore mesimi shtese qe do te jepen nga mesues por edhe mjeke. Ky eshte vendimi me i fundit i marre nga Ministria e Shendetesise, e cila ka miratuar nje pakete promovuese per sherbimin shendetesor ne shkolla.
Paketa
Pas 12 vjetesh Ministria e Shendetesise ka hartuar nje pakete ku perfshihen 12 pika kryesore te shendetit te femijeve. Kjo pakete do te vihet ne zbatim kete vit me ore mesimore, ku mesues e mjeke do te shpjegoje per nxenesit se c'jane semundjet seksualisht te transmetueshme, HIV-AIDS, alkooli, duhani dhe demet qe shkaktojne ato. Por nje pjese tjeter e oreve mesimore do te kete te beje me shendetin, kryesisht kujdesin qe duhet pasur me te. "Paketa promovuese permban 12 ceshtje te punuara sipas nje modeli me mbeshtetje te Organizates Boterore te Shendetesise, ku cilesohen qarte per cdo ceshtje aktivitetet edukuese dhe mjekesore, si te mjekut ashtu edhe te infermierit, stomatologut dhe psikologut", thuhet ne njoftimin per shtyp te Ministrise se Shendetesise. Sipas ketij te fundit, femijeve do t'u jepen informacione per traumat, aksidentet, dhunen, shendeti mendor, ushqyerja e shendetshme, semundjet kronike, semundjet infektive (ngjitese), etj.
Mjeket
Tashme mjeket te cilet punojne ne institucionet arsimore do te jene me prezente ne punen e tyre, duke mos qendruar indiferente apo larg femijeve, sic ka ndodhur deri me tani. "Mjeket ne sherbimin shendetesor ne shkolla, tashme kane te qarte detyrat e tyre dhe edukimi per mosperdorimin e duhanit, alkoolit dhe drogave por edhe kujdesi ndaj Hiv-AIDS dhe semundjeve seksualisht te trasmetueshme do te kene nje vemendje madhore e te vazhdueshme" thuhet ne paketen e hartuar nga MSH. Materialet e paketes promovuese te sherbimit shendetesor ne shkolla, do te zhvillohen jo vetem ne oret e lira por shume ceshtje te rendesishme do te zhvillohen bashkerisht dhe ne bashkepunim te ngushte mes mjekeve dhe drejtuesve e mesuesve ne shkolla.

Paketa promovuese e shendetit parashikon:

1. Dhuna (e lidhur ngushte me dhunen ne familje dhe shoqeri )
2. Aksidentet dhe traumat ( vecanerisht informimi dhe edukimi mbi kodin rrugor)
3. Shendeti mendor dhe mireqenia psikologjike
4. Zhvillimi dhe rritja e shendetshme
5. Ushqyerja e shendetshme
6. Femijet me nevoja te vecanta (femijet me aftesi te kufizuar dhe semundje te caktuara kufizuese etj )

7. Semundjet kronike ( astma, diabeti, semundje te lekures, crregullime te shikimit dhe degjimit etj )
8. Parandalimi i semundjeve ngjitese
9. Shendeti oral
10. Shendeti seksual dhe ai riprodhues, HIV
11. Aktiviteti fizik ( metodologji dhe mbikeqyrje me mesuesit e edukimit fizik )
12. Duhani, alkooli dhe abuzimi me drogat