Berisha: Jo me tekste "limonade"

Kryeministri i vendit iu kerkoi pedagogeve, te heqin dore nga tekstet e tyre dhe te perkthehen nga anglishtja
Kryeministri i vendit iu kerkoi dje pedagogeve, qe te heqin dore nga tekstet e tyre, shume prej te cilave jane "limonade" dhe te japin mesim me tekste te perkthyera. Per keto te fundit, Berisha tha qe duhet te jene shume cilesore dhe sidomos nga anglishtja. Nje kerkese te tille kreu i qeverise e beri me qellim rritjen e nivelit te mesimnxenies nga ana e nxenesve dhe studenteve.
Tekstet
"Ju lutem shume, tekstet duhet te perkthehen. Te heqim dore nga tekstet tona. Une druaj se tekstet jane akoma ato qe jane shkruar para 20 vjetesh, por deshiroj te mos jene. Dashuria per tekstet tona eshte nje patologji qe duhet ta leme menjane", iu drejtua Berisha autoriteteve te arsimit, te pranishem ne konference. "Ne te gjithe e dime se tekstet kane nje hierarki. Disa prej tyre jane limonade", deklaroi kryeministri i vendit, Sali Berisha. Me pas, ai iu drejtua ministrit te Arsimit Myqerem Tafaj, se strukturat drejtuese te arsimit duhet te angazhohen per perkthimin e teksteve me te mira, te krijojne modulin e te ribotimit te tyre, edhe te permiresimi. "Ky eshte kusht. Dija dhe shkolla duhet te bazohen mbi tekste me te mira. Ju e dini se cilat jane tekstet me te mira. Te gjitha, edhe ne qofte se shkruhen ne gjuhe tjeter, ato mbijetojne vetem ne anglisht", tha kryeministri i vendit.
Anglishtja
Nje pjese te konsiderueshme te fjales se tij, ne konferencen me teme "Reforma e Mesuesise, formimi universitar i mesuesve sipas standardeve evropiane", ia kushtoi pikerisht gjuhes angleze. Kreu i qeverise theksoi se eshte jetike qe anglishtja te jete, pas gjuhes sone, nje gjuhe per te gjithe. "E vendosem ne Mastera, por une sinqerisht, ju them se do ta vendosja dhe ne Bachelor. Kjo, sepse cfare do qe tu japim ne nxenesve ne koken e tyre, cilendo doktrine qe do te mund ta bejme te pervetesueshme prej tyre apo studenteve, asnjera nuk e ndricon mendjen e tyre me shume se anglishtja", tha Berisha. Sipas tij, anglishtja eshte gjuha e teksteve, eshte gjuha e shkences, eshte gjuha e teknologjise. "Fatmiresisht alfabeti yne, fonetika jone, e ben ate gjuhe thellesisht te pershtatshme per shqiptaret, pa veshtiresi. Alfabeti yne i ka te gjitha germat", e perforcoi kryeministri mendimin e tij. Sipas tij, edhe nese del ndonje veshtiresi, ajo duhet lehtesuar dhe kjo te behet edhe ne kurriz te lendeve te tjera. "Duhet ta marrim ne menyren me serioze. Ky eshte kushti i kushteve ne kete reforme", vleresoi Berisha.