OKB: Çmimet e ushqimeve shënuan rekord të ri në mars

Çmimet botërore të ushqimeve mbërritën në një rekord të ri në mars pasi lufta në Ukrainë shkaktoi trazira në tregjet e drithërave dhe vajrave ushqimorë, tha të premten agjencia e ushqimit e OKB-së.

Indeksi i çmimeve të ushqimit të Organizatës së Ushqimit dhe Bujqësisë (FAO), i cili ndjek mallrat ushqimore më të tregtuara në nivel global, ishte mesatarisht 159.3 pikë muajin e kaluar kundrejt një 141.4 të rishikuar për shkurtin.

Shifra e shkurtit ishte vendosur më parë në 140.7, që ishte një rekord në atë kohë.

Rusia dhe Ukraina janë të dyja eksportuesit kryesorë të grurit, misrit, elbit dhe vajit të lulediellit nëpërmjet Detit të Zi, dhe pushtimi gjashtë-javor i Moskës ndaj fqinjit të saj ka bllokuar eksportet ukrainase.

FAO paralajmëroi muajin e kaluar se çmimet e ushqimeve dhe ushqimeve për kafshë mund të rriten deri në 20% si rezultat i konfliktit në Ukrainë, duke shkaktuar një rritje të kequshqyerjes globale.

Agjencia gjithashtu uli vlerësimin e saj të prodhimit botëror të grurit në 2022 në 784 milion ton të premten nga një parashikim prej 790 milion muajin e kaluar, pasi faktorizoi mundësinë që të paktën 20% e sipërfaqes dimërore të Ukrainës të mos korrej.

Ajo uli projeksionin e saj të tregtisë globale të drithërave në vitin e marketingut 2021/22 pasi ndërprerja e eksporteve të Detit të Zi u pa si kompensuar vetëm pjesërisht nga rritja e eksporteve nga India, Bashkimi Evropian, Argjentina dhe Shtetet e Bashkuara.