OKB tërheq personelin në Afganistan

Kombet e Bashkuara kanë paralajmëruar se do të tërheqin përkohësisht personelin ndërkombëtar nga zyrat në qytetin e Konduzit.

Në deklaratën e OKB-së thuhet se personeli do të tërhiqet derisa të zbatohen masat e reja të sigurisë, pas sulmit që iu bë kësaj zyre javën e kaluar nga afganët që protestonin kundër djegies së Kuranit në një bazë të NATO-s.

Reth 30 njerëz janë vrarë gjatë protestave kundër djegies së Kuranit, që kur incidenti u ndriçua më 21 shkurt.