OSSH-se, ceket do te paguajne 50 miliarde leke

Shpallja e cekeve te CEZ-it si fituese e tenderit per privatizimin e Operatorit te Sistemit te Energjise Elektrike, ishte alternativa me e mire, pavaresisht se kjo kompani ishte finalistja e vetme. Kjo ishte ne thelb deklarata e konsulentit te qeverise nga IFC, Angelo Dell' Azzi, i cili se bashku me zv/ministrin e Ekonomise, Neritan Alibali, te cilet sqaruan dje te gjithe proceduren deri ne privatizimin e OSSH-se. Sipas konsulentit, pervec 102 milione eurove si cmim per blerjen e 76 per qind te aksioneve, kompania ceke do te shpenzoje 200 milion euro si investim ne 5 vitet e ardhshme, si dhe 15 miliard leke per borxhet e OSSH-se. "Te tre keta tregues, cmimi i aksioneve, plus shlyerja e borxheve jane nje vlere e pergjithshme mbi 50 miliarde leke", deklaroi Angelo Dell' Azzi. Duke sqaruar keto shifra, ai theksoi se vlera neto e aseteve te OSSH-se eshte 8.05 miliarde leke nderkohe qe vlera e ofruara nga CEZ eshte rreth 6 here me e madhe. "Mendoj se rruga qe zgjodhem eshte me e drejta pasi qeveria mund te mos kishte kerkuar shlyerjen e borxhit dhe berjen e investimeve. Si pasoje do te merrte nje cmim me te mire per shitjen e aksioneve, por publiku nuk do te perfitonte nga cilesia e sherbimit dhe investimit nga kompania ceke", deklaroi Dell'Azzi. Megjithate, asnje prej pjesemarresve ne konferencen e djeshme nuk pranoi te jepte shifra konkrete per nivelin e humbjeve dhe arketimeve te energjise qe qeveria ka rene dakord t'i njohe kompanise. Pikerisht keto dy elemente, pra niveli i humbjeve dhe ai i mbledhjes se te ardhurave nga OSSH-ja, jane tregues qe percaktojne se si do te vijojne ne te ardhmen cmimet e energjise elektrike.