UNMIK: Ndarja e Kosoves nuk mund te jete opsion
Zyrtare te Misionit te Kombeve te Bashkuara ne Kosoves, kane riperseritur dje se ndarja e Kosoves nuk mund te jete opsion. Komentet pasojne deklarimet e presidentit serb sipas te cilit ndarja mund te jete zgjidhje nese nuk arrihet ndonje marreveshje tjeter. Por zedhenesi i UNMIK-ut, Aleksander Ivanko rikujtoi dje edhe njerin prej parimeve te Grupit te Kontaktit qe e perjashton cdo mundesi te ndarjes se Kosoves. Zyrtare te UNMIK-ut, jane bashkuar me qendrimet e lidereve ne Prishtine, ne kundershtim te ideve per ndarjen e Kosoves. "Qendrimi yne gjithmone ka qene i qarte. Ky qendrim nuk ka qene vetem i yni por edhe i Grupit te Kontaktit . Nuk duhet te kete ndarje te Kosoves dhe nuk kemi cfare te diskutojme per kete ceshtje", deklaroi Ivanko. Sipas zedhenesit te UNMIK-ut, deklarimet e presidentit te Serbise nuk do te kene kurrfare ndikimi ne bisedimet qe UNMIK-u po i zhvillon me Beogradin, per faktin se kjo deklarate ka te beje me statusin dhe ne kete ceshtje UNMIK-u nuk mund te perfshihet. Ne kete kuader Ivanko ka njoftuar se zevendesshefi i UNMIK-ut, Dejvid Herland, dje dhe sot do te diskutoje me autoritet ne Beograd per mundesine e normalizimit sa me te shpejte te policise dhe doganave ne veri te Kosoves. Nderkohe, kunder idese se Presidentit te Serbise, jane shprehur edhe disa perfaqesues politik te serbeve te Kosoves. Nenkryetari i te ashtuquajturit "Kuvend i Komunave Serbe te Kosoves", Marko Jakshic, tha se deklarata e presidentit te Serbise, ishte porosi e keqe per serbet qe jetojne ne Kosove. "Neve, ketu ne veri, vazhdimisht na kane akuzuar se gjoja jemi per ndarjen e Kosoves. Ne nuk deshirojme ndarje. Mendoj se askush nuk ka te drejte te heqe dore nga Gracanica, Patrikana e Pejes, ose nga Decani. Mendoj se askush qe eshte gjalle keto nuk do t'i falte", tha Jakshic. Mundesia e ndarjes se Kosoves, e permendur nga presidenti i Serbise, eshte kundershtuar dje ashper edhe nga udheheqesit e institucioneve te Kosoves. Ata kane ritheksuar se kjo eshte perpjekje e kote e Serbise pasi Kosova eshte e pavarur dhe e njohur ne kufijte e saj nga rreth 50 shtete te botes.