OSSH shitet, tarifat e dritave pezull
Sistemi i shperndarjes se energjise, ka kaluar perfundimisht ne pronesi private dje. Qeveria shqiptare dhe kompania ceke CEZ, fituese e tenderit, firmosen kontraten e transferimit te 75 per qind te aksioneve, kundrejt 102 milione eurove. Mirepo pavaresisht se, qeveria e ka firmosur ne menyre simbolike kontraten, disa pika te saj ende jane ne proces negocimi, ku me kryesoja eshte niveli i tarifave. "Marreveshja nuk eshte mbyllur akoma, ceshtja e tarifave do te negociohet, dhe brenda 90 diteve do te vihet me nje plan biznesi ku do te jene te saktesuara edhe cmimet e energjise per konsumatoret. Ne do te investojme qindra-milione euro per te garantuar energji pa nderprerje", tha pak minuta pas firmosjes se kontrates drejtori i Kompanise CEZ,Vladimir Schmalz. CEZ eshte nje nder kompanite energjetike, qe udheheq ne Evropen Qendrore, me 7 milione kliente dhe me nje kapacitet te instaluar per prodhimin e energjise, energjise nukleare, nga qymyri dhe hidrocentraleve prej 14 300 MW. Grupi CEZ renditet nder dhjete kompanite energjetike me te medha ne Evrope. Pervecse ne Republiken Ceke, Grupi CEZ operon ne me shume se dhjete vende te Evropes Qendrore dhe Juglindore. Grupi ka nje eksperience te gjate dhe te madhe ne ristrukturimin e kompanive te shperndarjes ne Republiken Ceke, Bullgari dhe Rumani. "Ne jemi shume te kenaqur qe te ofrojme kete pervoje, ne te mire te sektorit shqiptar te shperndarjes se energjise elektrike", tha drejtori Schmalz. Nje nga pikat kryesore te kontrates per te cilen eshte rene dakord, tashme eshte furnizimi me energji i popullsise 24 ore. Mirepo nje sfide ne kete drejtim mbetet plani dhe menyre qe do te gjejne investitoret e rinj per te grumbulluar faturat e energjise qe aktualisht nuk e paguajne shqiptaret. Por gjithcka ne kete drejtim do te saktesohet ne planin e biznesit qe ceket do te hartojne per kompanine shqiptare te shperndarjes se energjise. Shitja e OSSH eshte pershendetur edhe nga Banka Boterore cila nepermjet filialit te saj IFC ka keshilluar qeverine per menyren e privatizimit te nje prej kompanive me problematike ne pronesi te shtetit. "Kjo marreveshje eshte me e rendesishmja jo vetem per procesin kompleks, por edhe per ceshtjet e perfshira. Shqiptareve ne terma afatmesem do t'u ofrohet energji pa nderprerje dhe duke shmangur padrejtesine qe nje pjese paguajne, e te tjere jo. Humbjet duhet te ulen dhe te ardhurat te rriten, kjo eshte sfida me e madhe" tha Camille Nuamah perfaqesuese e BB-se ne Shqiperi. Gjate ceremonise se nenshkrimit te kontrates, ministri i Ekonomise, Tregtise dhe Energjetikes, Genc Ruli, tha se "jemi te sigurt qe CEZ do te permiresoje ndjeshem furnizimin me energji elektrike ne Shqiperi, duke permbushur ne kete menyre kerkesat e klienteve.