Obama: Kriza ekonomike evropiane, plotësisht e zgjidhshme
LOS CABOS-Presidenti Barak Obama u shpreh i bindur se udhëheqësit evropianë mund të zgjidhin problemet ekonomike të kontinentit, duke shtuar se ato nuk janë vende jofunksionale apo joproduktive.
Duke folur para gazetarëve, pas takimit të G20-ës në Los Cabos të Meksikës, zoti Obama tha se të gjitha problemet e Evropës janë plotësisht të zgjidhshme. Ai e përshkroi krizën ekonomike si një kombinim të ndërlikuar të borxhit publik dhe të problemeve të sektorit privat.
Por ai tha se, udhëheqësit evropianë e kuptojnë urgjencën për të ndërmarrë veprime të rëndësishme dhe për të krijuar një cikël pozitiv në tregje. Presidenti i SHBA tha se kjo do të thyejë atë që ai quan "ethet" e pasigurisë në mes të popullsisë evropiane. Presidenti Obama tha se Evropa do të zgjidhë problemet e veta, dhe se zgjidhja nuk do të vijë nga Shtetet e Bashkuara apo vende të tjera.
Udhëheqësit e G20-ës pranojnë në deklaratën e tyre përfundimtare se ekonomia globale është e ndjeshme dhe se është duke pasur një ndikim negativ në jetën dhe punën e njerëzve të zakonshëm.
Ata ranë dakord të punojnë së bashku për të zgjidhur tensionet e tregut financiar duke shtuar mundësitë për njerëzit e vendeve në zhvillim.
(d.b/VOA/BalkanWeb)
Duke folur para gazetarëve, pas takimit të G20-ës në Los Cabos të Meksikës, zoti Obama tha se të gjitha problemet e Evropës janë plotësisht të zgjidhshme. Ai e përshkroi krizën ekonomike si një kombinim të ndërlikuar të borxhit publik dhe të problemeve të sektorit privat.
Por ai tha se, udhëheqësit evropianë e kuptojnë urgjencën për të ndërmarrë veprime të rëndësishme dhe për të krijuar një cikël pozitiv në tregje. Presidenti i SHBA tha se kjo do të thyejë atë që ai quan "ethet" e pasigurisë në mes të popullsisë evropiane. Presidenti Obama tha se Evropa do të zgjidhë problemet e veta, dhe se zgjidhja nuk do të vijë nga Shtetet e Bashkuara apo vende të tjera.
Udhëheqësit e G20-ës pranojnë në deklaratën e tyre përfundimtare se ekonomia globale është e ndjeshme dhe se është duke pasur një ndikim negativ në jetën dhe punën e njerëzve të zakonshëm.
Ata ranë dakord të punojnë së bashku për të zgjidhur tensionet e tregut financiar duke shtuar mundësitë për njerëzit e vendeve në zhvillim.
(d.b/VOA/BalkanWeb)