Obama: Rajoni t’iu përgjigjet pozitivisht kërkesave të popullit

Presidenti i Shteteve të Bashkuara, Barack Obama, tha se vendet e Lindjes së Mesme duhet të njohin urinë e popullit të tyre për ndryshime dhe të sigurojnë një rrugë paqësore drejt mundësive më të mëdha.

Duke iu referuar protestave që çuan në largimin e presidentit të Egjiptit, Hosni Mubarak, Obama tha se duket qartë që brezi i ri bën thirrje për më shumë liri.

Presidenti amerikan shprehu shqetësimin e Shteteve të Bashkuara për stabilitetin e rajonit, derisa protestat antiqeveritare janë përhapur në Iran, Bahrein, Jemen e gjetiu.

Ai bëri thirrje për një përgjigje paqësore, duke dënuar dhunën e autoriteteve iraniane ndaj mbështetësve të demokracisë.