Obama, emëron Sekretarin e Shëndetësisë
Çikago - Presidenti i zgjedhur Barak Obama emëroi ish senatorin Tom Dashel në postin e Sekretarit të Shëndetësisë. Gjatë një konference shtypi dje në Çikago, presidenti i ardhshëm tha se zoti Dashel po ashtu do të kryesojë edhe zyrën e re që do të krijohet në Shtëpinë e Bardhë për reformën në shëndetësi.
Zoti Obama tha se në këtë rol të dyfishtë, zoti Dashel do të vihet në krye të përpjekjeve për të hartuar dhe zbatuar planin e ri për ta bërë mbulimin shëndetësor të përballueshëm për të gjithë amerikanët. Zoti Dashel, tha presidenti i ri, është ekspert në fushën e shëndetësisë dhe gjatë viteve në Kongres njihet për bashkëpunim me të dyja palët.
Zoti Dashel, demokrat, ka shërbyer për 26 vjet në Kongres, 10 nga të cilat si drejtues i demokratëve, kur ata kishin kontrollin e Senatit. Zoti Dashel është edhe autor i një libri për sistemin shëndetësor amerikan.
Zoti Dashel u tha gazetarëve se kostoja e sistemit aktual të shëndetësisë është e papërballueshme. Aktualisht rreth 54 milionë amerikanë janë pa kujdes shëndetësor. Ish senatori tha se modernizimi i sistemit po ashtu do të ndihmojë ekonominë amerikane. VOA
Zoti Obama tha se në këtë rol të dyfishtë, zoti Dashel do të vihet në krye të përpjekjeve për të hartuar dhe zbatuar planin e ri për ta bërë mbulimin shëndetësor të përballueshëm për të gjithë amerikanët. Zoti Dashel, tha presidenti i ri, është ekspert në fushën e shëndetësisë dhe gjatë viteve në Kongres njihet për bashkëpunim me të dyja palët.
Zoti Dashel, demokrat, ka shërbyer për 26 vjet në Kongres, 10 nga të cilat si drejtues i demokratëve, kur ata kishin kontrollin e Senatit. Zoti Dashel është edhe autor i një libri për sistemin shëndetësor amerikan.
Zoti Dashel u tha gazetarëve se kostoja e sistemit aktual të shëndetësisë është e papërballueshme. Aktualisht rreth 54 milionë amerikanë janë pa kujdes shëndetësor. Ish senatori tha se modernizimi i sistemit po ashtu do të ndihmojë ekonominë amerikane. VOA