Obama kryeson në shtetet kryesore

Presidenti amerikan, Barack Obama, arriti të tejkalojë nivelin prej 50 për qind të votave në tri shtete kryesore për zgjedhjet amerikane të 6 nëntorit, më saktësisht në Florida, Pensilvani dhe Ohio. Sipas një sondazhi të kryer nga Univeristeti Quinnipaic, i publikuar nga CBS News në New York Times, Obama kryeson bindshëm në tri shtete që synohen më së shumti.

Të paktën 100 ditë para zgjedhjeve presidenciale, Barack Obama ka marrë 51 për qind të votave në Florida, kundër 45 për qind për kundërshtarin e tij republikan Mitt Romney, 53 për qind në Pensilvani kundër 42 për qind dhe 50 për qind në Ohio kundër 44 për qind për Romneyn.

"Nëse do të ishim më 6 nëntor , presidenti amerikan Barack Obama do të fitonte ndjeshëm në shtetet kyçe në Florida , Ohio dhe Pensilvani", theksoi Petter Braun, zëvendësdrejtori i institutit të sondazheve në Universitetin e Quinnipaic.

Broën thotë se ekonomia amerikane vazhdon të jetë çështja kryesore e fushatës së këtij viti, madje votuesit e pyetur në anketën më të fundit janë gati të ndarë në opinionin e tyre se cili kandidat do të bëjë një punë më të mirë për rigjallërimin e ekonomisë.