Obama optimist për rimëkëmbjen e ekonomisë

“Edhe pse do na duhet shumë kohë, mund të theksoj se po lëvizim në drejtimin e duhur. Iniciativat që kemi ndërmarrë po japin frytet e veta dhe do vazhdojnë të jenë të vlefshme”, deklaroi ndër të tjera presidenti Barak Obama në një intervistë për radio.

Sipas tij, shumë shpejt ndërmarrjet do të fillojnë të kërkojnë krah pune, duke ulur në këtë mënyrë numrin e lartë të papunësisë që ka në SHBA. “Do arrijmë të ndërtojme një ekonomi më të fortë se më parë”, perfundoi plot optimizëm fjalimin e tij kreu i Shtepisë së Bardhë.