Rikthehet deflacioni në Japoni

Deflacioni është rikthyer në ekonominë japoneze për herë të parë që nga viti 2006, bëri me dije qeveria vendase. Burimet vendase bënë me dije se ulja e çmimeve mund të dëmtojë shërimin e ekonomisë, e cila doli nga recesioni në tremujorin e dytë të këtij viti. Lajmërimi i qeverisë erdhi në një kohë kur Banka Qendrore japoneze mbajti normën e interesit në 0.1 për qind. Banka Qendrore e Japonisë tha se ekonomia e vendit do të vazhdojë të ndihmohet nga politikat qeveritare. Ekonomia e Japonisë u rrit me 4.8 për qind në periudhën korrik-qershor, tremujori i dytë rresht pozitiv. "Jemi në mes të një deflacioni të lehtë. Rënia e çmimeve nuk është e drejtë, por shqetësuese", tha ministri i Financave. Qeveria do të punojë me Bankën Qendrore për të dalë nga kjo gjendje, por ende nuk ka një plan konkret. Deflacioni është e kundërta e inflacionit. Nëse ky i fundit karakterizohet nga rritja e çmimeve, deflacioni shoqërohet me ulje çmimesh. Japonia e ka vuajtur një situatë të tillë edhe në vitin 1990.