Obama optimist për uljen e papunësisë

Presidenti amerikan, Barack Obama, deklaroi se papunësia në SHBA do të mund të zvogëlohet për tetë për qind deri në nëntor të vitit të ardhshëm, kur në vend do të mbahen zgjedhjet presidenciale.

Në intervistë për emisionin 60 minuta në televizionin CBS, Obama theksoi se problemet ekonomike të SHBA-së ndoshta do të vazhdojnë edhe pas përfundimit të mandatit të tij.

Ai theksoi se po ndjehet si kapiten i anijes, e cila ka hyrë në stuhi. Në anije, shtoi ai, njerëzit po vuajnë nga sëmundja e detit dhe për këtë e akuzojnë kapitenin, por ai nuk është fajtor për kushtet meteorologjike.

Ai shtoi se nuk u ka dhënë premtime tejet të mëdha votuesve në vitin 2009. Obama sqaroi se nuk i ka nënçmuar vështirësitë dhe paralajmëroi se problemet ekonomike në SHBA janë pasojë e problemeve strukturore, të cilat ekzistojnë tani 20 vjet.

"Do të nevojitet më shumë se një vit, madje më shumë se dy vite, e ndoshta edhe më tepër nga tërë një mandat presidencial, që të zgjidhen këto probleme strukturore", shtoi Obama.