Obama paguan nga xhepi per fushaten e tij

Duket së krizës ekonomike nuk i ka shpëtuar askush. Kështu Presidentit amerikan, Barak Obama i është dashur të nxjerrë nga xhepi i tij 5 mijë dollarë për të financuar fushatën elektorale. Lajmin e kanë bërë me dije mediat amerikane. 
Në një email të dërguar mbështetësve, vetë presidenti shpjegoi se një shifër e tillë  nuk është e mjaftueshme për të kapërcyer vlerën e fondeve të  rivalit të tij republikan Mit Romni, por  siç shton Obama me nota optimizmi nuk ka "asgjë që së bashku nuk mund të tejkalohet”. Mesazhi i Obamës  synonte të nxite më tej kontribues  të mëdhenj dhe të vegjël në nivel lokal, fondet e të cilëve  kanë luajtur një rol gjithnjë e më të rëndësishëm në fushatën e Presidentit. Afërsisht 40 për qind e të gjitha fondeve që Obama ka siguruar  në përpjekjet e tij për një mandat të dytë kanë ardhur nga donatorët e vegjël me  200 dollarë ose më pak në total. Në të kundërt  rivali  Mitt Romney ka siguruar vetëm 15 për qind të totalit të tij  në  këtë formë. Donacioni prej 5 mijë dollarësh  përbën në fakt maksimumin ligjor që një individi për një kandidat presidencial. Individët mund të japin deri 30,800 dollarë në vit për një parti politike.