Obama shpreh keqardhje per viktimat civile ne Afganistan
Presidenti Barak Obama i ka shprehur keqardhjen e tij Presidentit afgan Hamid Karzai per civilet e vrare nga goditjet e avioneve te telekomanduar amerikane gjate koheve te fundit ne Afganistan. Zyrtaret e Shtepise se Bardhe thone se zoti Obama se shpejti do te vendose se me cfare ritmesh do te zhvillohet terheqja e trupave amerikane nga Afganistani
Sekretari i Shtypit per Shtepine e Bardhe Xhej Karni tha dje se dy presidentet zhvilluan nje video-konference mbi gjendjen e luftes ne Afganistan. Zoti Karni tha se Presidenti Obama kishte shprehur keqardhjen mbi te vraret ne radhet e civileve. Por ai tha se udheheqesit amerikane dhe afgane kishin vene ne dukje se pjesa me e madhe e viktimave civile ishin shkaktuar nga talebanet. Zedhenesi nuk tha nese zoti Karzai i kishte kerkuar presidentit te ndalte goditjet ajrore nga avionet e telekomanduar amerikane.
Zoti Obama kishte thene se do te fillonte terheqjen e trupave amerikane nga Afganistani muajin e ardhshem. Zedhenesi Karni tha se nuk eshte caktuar nje date specifike.
Nuk ka pasur diskutime mbi numra specifike. Sic e dini Presidenti nuk ka marre nje vendim ende mbi ritmet dhe permasat e terheqjes. Ai do te vazhdoje diskutimet me ekipin e tij ne ditet dhe javet e ardhshme mbi kete ceshtje dhe do ta marre kete vendim se shpejti sic e tha edhe vete.
Nderkaq Kryetari i Komisionit te Senatit per Sherbimet e Armatosura demokrati Karl Levin tha dje ne komentet per shtyp se shpreson qe Presidenti do te terheqe 15 mije trupa amerikane nga Afganistani brenda ketij viti. Aktualisht ne Afganistan ka 100 mije forca te armatosura amerikane.
Duke filluar nga e marta Senatori Levin do te kryesoje seancat me deshmi per Leon Paneten kandidati i Presidentit per postin e Sekretarit te Mbrojtjes.
Republikani me i larte i Komisionit Senatori Xhon Mekein tha ne nje interviste per shtypin kete jave se shpreson qe zoti Obama nuk do te terheqe me shume se 5 mije trupa amerikane nga Afganistani kete vit.
Synimi i Presidentit eshte qe afganet te marrin plotesisht nen kontroll kompetencat e sigurise ne vendin e tyre brenda vitit 2014.
Nderkohe Komisioni i Senatit per Marredhenie me Jashte ka nxjerre nje raport ku kritikon perpjekjet amerikane per te ndertuar demokracine ne Afganistan.
Studimi dy-vjecar tregon se ndihmat kolosale amerikane per Afganistanin ka dhene rezultate te kufizuara ne procesin e shtet-ndertimit.
Shtepia e Bardhe e mirepriti raportin por zedhenesi Karni tha se rezultatet jane gabim pasi eshte pa vend te mohohet perparimi i bere deri tani ne Afganistan.
Rajan Kroker i propozuar nga Presidenti si ambassador i Shteteve te Bashkuara ne Afganistan pohoi ne seancen para Komisionit te Senatit per Marredhenie me Jashte se eshte bere perparim. Ai tha se ndihmat amerikane kane ndihmuar sidomos ne permiresimin e gjendjes se arsimit dhe kujdesit shendetesor ne Afganistan.