Oficeret jashte vendit, mbulohen te gjitha shpenzimet

Ministria e Brendshme, brenda fondeve buxhetore vjetore, te miratuara per Drejtorine e Pergjithshme te Policise se Shtetit, do te te perballoje shpenzimet e punonjesve shqiptare, qe sherbejne si oficere kontakti prane Ministrive te Brendshme te shteteve te ndryshme. Vendimin e ka marre qeveria gjate dites se djeshme. Shpenzimet do te mbulojne publicitetin ne interes te Policise se Shtetit. Udhetime dhe dieta jashte vendit prites, kur keto kryhen ne interes te Policise se Shtetit. Shpenzimet per pritjen e partnereve zyrtare, ne vendin e punes per ceremonite zyrtare, te karakterit policor, ne vendin prites dhe per pritje te personelit policor, te nivelit te larte. Gjithashtu oficeri i kontaktit gezon te drejten e pushimeve javore, te pushimeve ne ditet e festave zyrtare dhe pushimit vjetor te paguar, per kohen qe eshte me detyre jashte shtetit, sipas dispozitave ligjore ne fuqi ne Republiken e Shqiperise. Ministria e Brendshme nuk merr persiper shpenzimet e kthimit ne atdhe te oficerit per kryerjen e lejes se zakonshme. Me miratimin e ministrit te Brendshem, vetem ne rast fatkeqesie, oficerit te kontaktit dhe familjareve shoqerues, u paguhen nga shteti shpenzimet e udhetimit. Ministria e Brendshme, per oficeret e kontaktit dhe pjesetaret e familjes, qe jane ne ngarkim te tyre, perballon sigurimet e detyrueshme, sipas legjislacionit te shtetit perkates, ku ata kryejne detyren.