Oliç, më i miri i Kroacisë

Sulmuesi i Bayern Munichut, Ivica Oliç, është votuar futbollisti më i mirë kroat, për vitin 2009, në një zgjedhje të organizuar nga e përditshmja kroate Vecernji List.

Oliç përfundoi para futbollistëve, si mesfushori i Shakhtar Donetsk, Darijo Srna dhe dyshes së Tottenhamit, Luka Modric dhe Niko Kranjcar.

Oliç impresionoi në Hamburg në gjashtë muajt e parë të vitit 2009, ndërsa ka shkëlqyer pas transferimit në Bayern gjatë verës së vitit të kaluar. Ai ka shënuar gjashtë gola në 14 ndeshje në Bundesligë.