Onkologjiku, pacienteve “u vidhet” ushqimi
Ushqimi i pacienteve te spitalit onkologjik nuk perfundon ne pjatat e tyre sipas gramatures se percaktuar nga dietologet. Nga nje verifikim qe eshte bere gjate ketij muaji nga vete drejtoria e Qendres Spitalore Universitare “Nene Tereza” ka rezultuar se gramatura nuk ishte ne sasine e duhur. E ndersa, pacientet merrnin ato ushqime qe u ishin percaktuar, sasia qe shkonte tek pjatat e tyre ishte disa here me e vogel se ajo e kerkuar nga nje dietolog i cili kujdeset per ecurine e semundjes dhe te shendetit te tyre. Keshtu, sipas rregullave kerkohet qe nje i semure ne spitalin onkologjik te marre rreth 600 mililitra qumesht gjate 24 oreve, por ne te vertete ai merr vetem 150 mililitra. Po keshtu e njejta gje ndodh edhe me frutat te cilat nga 400 gram qe duhet te konsumohen ne dite, pacientet perfitojne vetem 100 gram. “Nga verifikimi qe ju be shperndarjes se ushqimit ne sherbimin e Onkologjikut u verejt se ushqimi shperndahej ne baze te dietave, por gramatura e cdo personi nuk ishte ne sasine e duhur”, thuhet ne verifikimin e bere nga QSUT. Sipas drejtuesve te ketij institucioni jane duke u marre masat per rregullimin e sasise se ushqimit.
Mangesia ne gramaturen e kerkuar nuk ka qene vetem tek qumeshti dhe tek frutat por edhe tek mishi. Sipas te dhenave te nxjerra nga kontrolli i specialisteve te ushqimit, pacientet merrnin vetem gjysmen e sasise se mishit. Keshtu nese ne dietat e tyre eshte percaktuar per 200 gram mish gjate nje dite, te semuret kane marre vetem 100 gram.
Ndersa persa i perket gjelles dhe supave keto kane qene ne sasine e duhur duke mos pasur mangesi. Po keshtu edhe ushqimet e tjera te mengjesit edhe te darkes kane rezultuar brenda gramaturave te percaktuara nga specialistet e ushqimit. Por, sipas ketyre te fundit eshte shume e rendesishme per kete grup pacientesh qe te zbatohen keto gramatura tek keto lloje te produkteve ushqimore pasi permbajne kalori dhe proteina te cilet jane te rendesishme per permiresimin e shendetit te tyre.
Menyja
Ushqimi Kerkohet Merret
Qumeshti 600 ml 150ml
Frutat 400gr 100gr
Mishi 200gr 100gr
Gjella 200gr 200gr
Supa 250gr 250gr
Firma:Gatuajme sipas numrit te pacienteve
Firma private e cila merret me gatimin dhe shperndarjen e ushqimit ne QSUT ka pohuar se ushqimi pergatitet sipas porosive te pavijoneve per numrin e pacienteve. Po keshtu duke pasur parasysh edhe dietat te cilat duhet te zbatohen. “Me marrjen e kontrates se re, pergatitja dhe menyra e shperndarjes se ushqimit ka ndryshuar. Ushqimi pergatitet per cdo pacient ne gramaturen dhe ne sasine e duhur”, ka pohuar administratori. Por ajo, qe ndodh shpesh here ne pavijone eshte se jane edhe te afermit e pacienteve te cilet perfitojne nga keto ushqime. Nje tjeter, shpjegim per uljen e sasise se ushqimit eshte edhe numri i shtrimeve te reja ditore qe behen, per te cilet nuk eshte krijuar dieta e re dhe nuk eshte bere raportimi nga pavijonet tek kuzhina per rritjen e sasise se ushqimit. Nga ana tjeter firma e cila ka fituar tenderin, sipas shkreses se QSUT-se, e pergatit ushqimin brenda parametrave te kerkuara nderkohe qe investimet ne mini-kuzhina jane ne perfundim. Aktualisht jane duke u instaluar edhe lavapjatat brenda ketyre ambienteve.