Opozita kerkon kandidaturat e KLSH-se dhe Guvernatorit
Sipas gazetës ‘Shqip’, shumë shpejt, në Komisionin e Ekonomisë do të vijnë emrat kandidatura për kreun e Kontrollit të Lartë të Shtetit, Guvernatorit të Bankës së Shqipërisë dhe Autoritetit të Mbikëqyrjes Financiare, e për rrjedhojë debati i djeshëm prekte axhendën e ndezur të Parlamentit.
Deputetët e opozitës rikthehen në Parlament pas një kohe të gjatë dhe kësaj here, vëmendja e tyre u ndal te kandidatura e AMF-së, kurse e dyta te “Kodi Doganor”, për të cilin kanë nisur ndryshimet me asistencën e BE-së.
Pasi dëgjuan CV-në e kandidates Kestrin Katro, i pari që mori fjalën ishte deputeti i Partisë Socialiste, Andis Harasani, cili kërkoi nga kryetari i komisionit shpjegime lidhur me emrat e rinj që do të vijnë. “Jemi të fundit që mësojmë emrat e kandidaturave dhe çfarë po ndodh me vendet vakante”, tha Harasani. Kaq ka mjaftuar dhe debati të ndizet më tej, me fjalën e deputetit tjetër socialist, Erjon Braçe, i cili kërkoi më shumë respekt për axhendën e kandidaturave, kurse deputeti Arben Malaj renditi disa shqetësime.
“U bënë vite që votojmë kandidaturat e qeverisë për kryetar dhe anëtarë të institucioneve të pavarura dhe nuk dimë procedurën sesi vijnë emrat e tyre tek ne. Gjykoj se duhet të kemi disa kandidatura dhe jo një, siç ndodhi sot (dje), në mënyrë që të zgjedhim të duhurin. Mendoj se duhet më shumë seriozitet te përzgjedhja e kandidaturave, si dhe të respektohen afatet kushtetuese për zgjedhjen e tyre. Këtu e kam fjalën edhe për krerët e KLSH dhe të guvernatorit”, tha Malaj, i cili më tej dha mendimin personal për cilësinë e krerëve të rinj. “Mendimi im është që emrat e rinj të vijnë nga bota akademike dhe shumë pak, për të mos thënë fare nga politika, nëse duam që këto institucione të ecin përpara”, nënvizoi ish-ministri socialist i Financave.
Kryetari demokrat i komisionit, Edmond Spaho, u përpoq të sqaronte pozicionin e Kuvendit në përzgjedhjen e emrave, duke theksuar disa herë që procesi ka qenë gjithnjë transparent. Deputeti Braçe ishte i mendimit që në komision të mos vijë vetëm një kandidaturë, pasi procesi i votimit kthehet si fakt i kryer, por në disa emra, në mënyrë që të ketë një diskutim të hapur.
Opozita i kushtoi rëndësi axhendës për kandidaturat e ardhshme të KLSH-së, Guvernatorit dhe AMF-së, tre institucione tepër të rëndësishme për mbikëqyrjen buxhetore, financiare dhe monetare të vendit.
Nënkryetarja e komisionit, socialistja Mimi Kodheli, tha se opozita është e hapur të bashkëpunojë për reformat, por më parë kërkon nga mazhoranca më shumë transparencë dhe informacion lidhur me vendimet dhe kandidatët për drejtues të institucioneve të pavarura. Pas debatit, komisioni votoi pro anëtares së re të AMF-së, kurse Harasani votoi kundër.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga ekonomia Ministria e Brendshme anulon tenderin e naftës për kaldajat
Tenderi i hetuar nga Avokati i Prokurimeve për karburantin e kaldajave, i porositur nga disa institucione, është anuluar nga Ministria e Brendshme. Bie çmimi, importohen çdo ditë 100 makina pa doganë
Kanë kaluar më shumë se dy javë që kur ligji për taksat e makinave të përdorura hyri në fuqi. “Tenderi 700 mijë USD, Ministria e Brendshme favorizoi një kompani”
Tenderët për karburantet që merr administrata shtetërore janë kthyer disa herë në objekt debatesh dhe hetimi nga institucionet kompetente, për shkak të specifikës që paraqet produkti, sidomos për normën e fitimit. Ekonomia shqiptare, e përqendruar në Tiranë
Ka dy Shqipëri! Njëra ka ekonomi afërsisht dy herë më të pasur se sa pjesa tjetër e vendit. Tjetra është e varfër. Prodhimi shqiptar, me kosto të lartë
Sikur të mos mjaftojë rritja e taksave dhe kriza e likuiditeteve, biznesi në vendin tonë po operon me kushte të vështira.
Lajmet kryesore
Vlorë, vret foshnjen e porsalindur
27-vjeçarja e hedh nga dritarja e maternitetit
Ministrat e Jashtëm: Konsensus kombëtar për në BE
16 shtator, shteti sërish në veri
Shqipëria konfirmon: Greqia kërkon naftë në Jon
Policia drejt vrasësit të Konomit