PBB tremujore, qellimi i treguesit

Produkti i Brendshem Bruto tremujor eshte nje produkt statistikor i publikuar se fundmi nga INSTAT. Ministria e Financave sqaron se, si nje perdorues kryesor i statistikave ekonomike, shprehet se, ky produkt statistikor ka nje vlere informative te pazevendesueshme nga tregues te tjere dhe inkurajon e mbeshtet INSTAT ne vazhdimin e publikimit te ketij treguesi e permiresimin e metejshem te tij. Metodologjia per llogaritjen e ketij treguesi bazohet ne manualin e llogarive kombetare tremujore te hartuar prej Fondit Monetar Nderkombetar. Objektivi i ketij treguesi eshte matja e levizjeve nga tremujori ne tremujor te PBB, informacion ky teper i rendesishem per aktoret apo vendimmarresit ne ekonomi, sqaron me tej Ministria e Financave. Ky tregues, i bazuar mbi kete metodologji, nuk ka per qellim dhe nuk mund te kete nje precizion te larte ne matjen e ndryshimeve vjetore (rritjen reale vjetore) te PBB, por ai mund te jape tendencat e saj. Matja precize dhe perfundimtare e rritjes reale vjetore te PBB kryhet vetem nga Llogarite Kombetare Vjetore ne INSTAT, gje e cila bazohet teresisht ne metodologji standarde te perdorura ne mbare boten per kete qellim, sic jane Sistemi Evropian i Llogarive - 1995 (ESA 95) dhe Sistemi i Llogarive Kombetare - 1993 (SNA 93). Ndersa Ministria e Financave ka mandatin te kryeje vetem parashikime te rritjes ekonomike vjetore, si per vite te kaluara per te cilat nuk eshte publikuar ende nje vleresim nga Llogarite Kombetare Vjetore te INSTAT, ashtu dhe per vitet e ardhshme.